არაბთა გაერთიანებული საამიროები უკრაინას 2500-მდე საყოფაცხოვრებო ელექტრო გენერატორს გაუგზავნის, - ინფორმაციას უკრაინული მედია ავრცელებს.

მათივე ცნობით, აღნიშნული გენერატორების ნახევარი ქვეყანას უახლოეს მომავალში გადაეცემა.

„უკრაინაში, სადაც მიმდინარე კრიზისმა დააზიანა ენერგეტიკული ინფრასტრუქტურა და გამოიწვია ელექტროენერგიის გათიშვა, დაზარალებული მშვიდობიანი მოსახლეობისთვის 3.5-დან 8-კილოვატამდე სიმძლავრის საყოფაცხოვრებო გენერატორების გადაცემა იგეგმება“, - განაცხადა არაბთა გაერთიანებული საამიროები საერთაშორისო თანამშრომლობის მინისტრმა, რიმ ბინტ იბრაჰიმ ალ ჰაშიმმა.

მისივე ცნობით, 1 200-მდე გენერატორი უკვე გაიგზავნა პოლონეთში, დანარჩენი კი, უკრაინას იანვრისთვის მიეწოდება.

გენერატორების მიწოდება არის 100 მილიონი დოლარის ღირებულების ჰუმანიტარული დახმარების პაკეტის ნაწილი, რომელიც არაბთა გაერთიანებული საამიროების მთავრობამ უკრაინის მშვიდობიანი მოსახლეობისთვის გამოყო.