სალომე ზურაბიშვილი - ვუერთდები სხვადასხვა ქრისტიანული ეკლესიის მრევლის სიხარულსა და საზეიმო განწყობას, რომელიც მუდამ თან ახლავს ქრისტესშობის დღესასწაულს
საქართველოს პრეზიდენტი, სალომე ზურაბიშვილი ყველა იმ ადამიანს, ვინც დღეს შობას ზეიმობს, დღესასწაულს ულოცავს.
"ვულოცავ ყველას, ვინც დღეს შობის დღესასწაულს ზეიმობს! საქართველოში კონფესიათა სიმრავლე და მათი მშვიდობიანი თანაცხოვრების მრავალსაუკუნოვანი ტრადიცია საამაყოა ჩვენი ქვეყნისათვის.
ვუერთდები საქართველოში არსებული სხვადასხვა ქრისტიანული ეკლესიის მრევლის, ჩვენი საზოგადოების მნიშვნელოვანი, ღირსეული ნაწილის სიხარულსა და საზეიმო განწყობას, რომელიც მუდამ თან ახლავს ქრისტესშობის დღესასწაულს. ვუსურვებ ჯანმრთელობას, სიხარულსა და კეთილდღეობას!" - აღნიშნულია პრეზიდენტის მილოცვაში.
