კათოლიკეები დღეს უფლის დაბადებას - ქრისტეშობას ზეიმობენ. საშობაო ღვთისმსახურებას თბილისის ღვთისმშობლის ამაღლების კათოლიკურ ეკლესიაში ეპისკოპოსი, ჯუზეპე პაზოტო უძღვებოდა.

რელიგიის საკითხთა სახელმწიფო სააგენტოს ინფორმაციით, ტაძარში შეკრებილ მრევლსა და სასულიერო პირებს მიესალმა და შობის დღესასწაული მიულოცა რელიგიის საკითხთა სახელმწიფო სააგენტოს თავმჯდომარემ, ზაზა ვაშაყმაძემ.

„საქართველოს მთავრობის, საქართველოს პრემიერ-მინისტრის სახელით მოგილოცავთ ქრისტეშობის დღესასწაულს და მინდა, პირველ რიგში, გისურვოთ სიყვარული, სიკეთე, რწმენა და იმედი“,- განაცხადა ზაზა ვაშაყმაძემ.

საზეიმო მსახურებას ესწრებოდნენ: რელიგიის სააგენტოს სამართლებრივი უზრუნველყოფის სამსახურის უფროსი, ავთანდილ კვერნაძე, უფროსი სპეციალისტი, დავით დავითაშვილი, იურისტი, ალექსანდრე შეყილაძე და სტრატეგიული კვლევის, ანალიზისა და რეგიონების სამსახურის უფროსი სპეციალისტი, სერგო ფარულავა.