ევანგელურ-ლუთერული ეკლესია დღეს ქრისტეშობას ზეიმობს. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს. მათი ინფორმაციით, ევანგელურ-ლუთერულ შერიგების ეკლესიაში საშობაო ლიტურგიას ეპისკოპოსი, როლფ ბარაისი უძღვებოდა.
"ტაძარში შეკრებილთ, საქართველოს მთავრობის სახელით, შობის დღესასწაული მიულოცა სტრატეგიული კვლევის, ანალიზისა და რეგიონების სამსახურის უფროსმა, ნინო ჭავჭავაძემ: „ვულოცავთ ევანგელურ-ლუთერულ ეკლესიას და მის მრევლს, ყველა იმ მოქალაქეს, რომელიც იზიარებს ქრისტიანული სამყაროს დღესასწაულს, ქრისტეშობას და მშვიდობას, წარმატებებს ვუსურვებთ".
რელიგიის საკითხთა სახელმწიფო სააგენტოს ცნობით, საზეიმო მსახურებას ესწრებოდნენ: რელიგიის სააგენტოს სამართლებრივი უზრუნველყოფის სამსახურის იურისტი, ალექსანდრე შეყილაძე და სტრატეგიული კვლევის, ანალიზისა და რეგიონების სამსახურის უფროსი სპეციალისტი, სერგო ფარულავა.