დღეს იუდეველებისთვის უმნიშვნელოვანესი დღესასწაულის, ხანუქას ბოლო დღეა. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

მათივე ცნობით, აღნიშნული დღე განახლებისა და კურთხევის, სინათლის სიბნელეზე გამარჯვების დღეა, რომელიც სათავეს ძვ. წ. II საუკუნეში იღებს და მაკაბელთა მიერ იერუსალიმის ტაძრის განწმენდასა და სატაძრო მსახურების განახლებას უკავშირდება.

რელიგიის საკითხთა სახელმწიფო სააგენტო კიდევ ერთხელ ულოცავს საქართველოს იუდეურ თემს ხანუქას დღესასწაულს.