ლევან იზორია - მომავალ წელს ვარ ძალიან ოპტიმისტურად განწყობილი იმ სტრატეგიული მხარდაჭერის საფუძველზე, რომელიც ფედერალური კანცლერის მიერ იქნა გაცხადებული, რომ ევროპა არის ლისაბონიდან თბილისამდე

მომავალ წელს ვარ ძალიან ოპტიმისტურად განწყობილი იმ სტრატეგიული მხარდაჭერის საფუძველზე, რომელიც ფედერალური კანცლერის მიერ იქნა გაცხადებული, რომ ევროპა არის ლისაბონიდან თბილისამდე, - ამის შესახებ გერმანიაში საქართველოს ელჩმა, ლევან იზორიამ ჟურნალისტებთან საუბრისას განაცხადა.

მისივე თქმით, მიმდინარე წელს საქართველოს დელეგაციას გერმანიაში ნაყოფიერი შეხვედრები ჰქონდა, სადაც გაჟღერდა, რომ საქართველო რეკომენდაციების შესრულების შემდეგ ევროკავშირის კანდიდატის სტატუსს მიიღებს.

„წელს გვქონდა უმაღლესი დონის ვიზიტები გერმანიაში. გახლდათ პრემიერი, პარლამენტის თავმჯდომარე და ამ ვიზიტების ფარგლებში დადებითად შეფასდა ის დინამიკა, რომელიც რეფორმების განხორციელების კუთხით გვაქვს. ითქვა, რომ საქართველო აუცილებლად გახდება ევროკავშირის წევრი ქვეყანა იმ შემთხვევაში, როდესაც წარმატებით განვახორციელებთ რეფორმებს და ბუნებრივია, ის ისტორიული მონაპოვარი, რომელიც წელს გაცხადდა და რომელიც დაკავშირებულია ჩვენს ევროპულ პერსპექტივასთან, იქნება უკვე მომავალ წელს კონკრეტული ნაბიჯით გარდასახული ასევე პოლიტიკურ გადაწყვეტილებაში, რომელიც კანდიდატის სტატუსის მინიჭებას უკავშირდება.

ჩვენ დღეს სწორედ ამ სტრატეგიული მთავარი მიზნისთვის ვახდენთ ძალისხმევის მობილიზებას. მომავალ წელს ვარ ძალიან ოპტიმისტურად განწყობილი იმ განწყობების ფონზე, რომელიც გერმანიაში არსებობს, იმ სტრატეგიული მხარდაჭერის საფუძველზე, რომელიც ფედერალური კანცლერის მიერ იქნა გაცხადებული. კერძოდ იცით, რომ მან პრაღაში თქვა, რომ ევროპა არის ლისაბონიდან თბილისამდე,“ - განაცხადა ლევან იზორიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024