სამხარაულის ექსპერტიზის ბიურო - ექსპერტიზის ეროვნული ბიუროს ქიმიურ-ნარკოლოგიური ექსპერტიზის დეპარტამენტს აქვს ყველა შესაძლებლობა, რათა ჩაატაროს კვლევა ნებისმიერ არაორგანული და ორგანული ბუნების მატრიცაზე

ლევან სამხარაულის ექსპერტიზის ეროვნული ბიურო ორგანიზმში თმის ღერით, სისხლის და/ან ფრჩხილის ნიმუშით მძიმე მეტალებზე კვლევის ჩატარებასთან დაკავშირებთ განცხადებას ავრცელებს და აცხადებს, რომ ექსპერტიზის ეროვნული ბიუროს ქიმიურ-ნარკოლოგიური ექსპერტიზის დეპარტამენტს აქვს ყველა შესაძლებლობა, რათა ჩაატაროს კვლევა ნებისმიერ არაორგანული და ორგანული ბუნების მატრიცაზე.

ამასთან, ექსპერტიზის ბიურო „ცრუს“ უწოდებს, ინფორამციას, თითქოს ბიუროს არ აქვს ეგრეთ წოდებული “ლიცენზია” ამა თუ იმ კვლევის ჩასატარებლად.

„მიმდინარე წლის 26 დეკემბერს, სსიპ ლევან სამხარაულის სახელობის სასამართლო ექსპერტიზის ეროვნული ბიუროს ცხელ ხაზზე განხორციელდა მოქალაქის ზარი შეკითხვით: თმის ღერზე და ფრჩხილზე ტარდება თუ არა ტოქსიკოლოგიური შემოწმება? ბიუროს ცხელი ხაზის ოპერატორმა მოქალაქეს უპასუხა, რომ თმის ღერზე არ ტარდება, ტარდება შარდის ნიმუშზე.

სრული სიცხადისთვის გვინდა განვმარტოთ, რომ შარდის ნიმუში, ოპერატორის მიერ ნახსენები იყო ადამიანის ორგანიზმში ტოქსიკოლოგიური კვლევით ნარკოტიკული ნივთიერებების შემცველობის დადგენის მიზნით და არა მძიმე მეტალების ან სხვა ნივთიერებების კვლევის თვალსაზრისით. მიუხედავად იმისა, რომ ბიუროს ორგანიზმში ნარკოტიკული ნივთიერებების შემცველობის დადგენის მიზნით, როგორც წესი მოგვმართავენ სისხლის ან/და შარდის ნიმუშში აღნიშნული ნივთიერებების დადგენის მოთხოვნით, ბიუროს აქვს ყველა შესაძლებლობა იმისთვის, რომ ფრჩხილზე და თმის ღერზე ჩატარდეს ნარკოტიკული ნივთიერებების კვლევა.

რაც შეეხება საზოგადოებისთვის დიდი ინტერესის მქონე საკითხს: ორგანიზმში თმის ღერით, სისხლის და/ან ფრჩხილის ნიმუშით მძიმე მეტალებზე კვლევის ჩატარებას, ვაცხადებთ, რომ ექსპერტიზის ეროვნული ბიუროს ქიმიურ-ნარკოლოგიური ექსპერტიზის დეპარტამენტს აქვს ყველა შესაძლებლობა, რათა ჩაატაროს კვლევა ნებისმიერ არაორგანული და ორგანული ბუნების მატრიცაზე.

ასევე გვსურს გამოვეხმაუროთ გავრცელებულ ცრუ ინფორმაციას იმის შესახებ, რომ თითქოს ბიუროს არ აქვს ეგრეთ წოდებული “ლიცენზია” ამა თუ იმ კვლევის ჩასატარებლად. ბიურო საქმიანობას ახორციელებს საქართველოს კანონით „საჯარო სამართლის იურიდიული პირის - ლევან სამხარაულის სახელობის სასამართლო ექსპერტიზის ეროვნული ბიუროს შექმნის შესახებ “ და „საჯარო სამართლის იურიდიული პირის - ლევან სამხარაულის სახელობის სასამართლო ექსპერტიზის ეროვნული ბიუროს დებულების დამტკიცების შესახებ” საქართველოს მთავრობის N255-ე დადგენილებით, რაც პირდაპირ განსაზღვრავს ბიუროს მიერ ექსპერტიზების ჩატარების უფლებამოსილებას და ყველა სხვა სახის ინფორმაცია მხოლოდ და მხოლოდ საზოგადოების შეცდომაში შეყვანის მცდელობაა.

ბიუროს ქიმიურ-ნარკოლოგიური ექსპერტიზის დეპარტამენტი აკრედიტებულია ISO 17025:2017/2018 სტანდარტის შესაბამისად, რაც გულისხმობს ბიუროში და კონკრეტულად აღნიშნული მიმართულებით ჩატარებული კვლევების მაღალ სანდოობას“,- ნათქვამია ინფორამაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი