ლევან დავითაშვილი - ტურიზმის ადმინისტრაციას აქვს ძალიან დიდი როლი და სჭირდება გამოცდილი ხელმძღვანელი, ასეთია მაია ომიაძე

ტურიზმის ადმინისტრაციას აქვს ძალიან დიდი როლი და სჭირდება გამოცდილი ხელმძღვანელი, - ამის შესახებ ეკონომიკისა და მდგრადი განვითარების მინისტრმა, ლევან დავითაშვილმა ტურიზმის ეროვნული ადმინისტრაციის ხელმძღვანელად მაია ომიაძის დანიშვნასთან დაკავშირებით განაცხადა.

მისივე თქმით, მაია ომიაძეს ამ მიმართულებით დიდი გამოცდილება აქვს და მას ის უნარები გააჩნია, რომელიც ადმინისტრაციის ახალ ხელმძღვანელს სჭირდება.

„ტურიზმის ადმინისტრაციას აქვს ძალიან დიდი როლი და მომავალში ექნება კიდევ უფრო მეტი როლი და რა თქმა უნდა, მას გამოცდილი ხელმძღვანელი სჭირდება. ხელმძღვანელი, რომელსაც აქვს მაღალი პასუხისმგებლობა, პროფესიონალიზმი და საკმაოდ მაღალი ნდობაც, ასეთია მაია ომიაძე. ის ეკონომიკის სამინისტროს თანამშრომელია დიდი ხანია, მას გააჩნია მარკეტინგის, ბიზნესის მიმართულებით საკმაოდ კარგი გამოცდილება, ასევე ტურიზმთან და კურორტების განვითარების მიმართულებით. ის მუშაობდა მთის კურორტების განვითარების კომპანიაში, შესაბამისად, მისთვის ეს სექტორი ძალიან ნაცნობია ის ბოლო წლების განმავლობაში, სამინისტროში სტრატეგიული კომუნიკაციების დეპარტამენტს ხელმძღვანელობდა და შესაბამისად, ბევრ სფეროსთან ჰქონდა შეხება, მათ შორის, ტურიზმის სფეროსთან.

რაც შეეხება პრიორიტეტებს - ცალსახაა, რომ ჩვენ ქვეყანაში არ გვაქვს ტურიზმის კანონი და ის არის მიღების პროცესში. შესაბამისად, ძირითადი პოლიტიკური პრიორიტეტები უნდა აისახოს ძირითად საკანონმდებლო დოკუმენტში. ეს ბუნებრივიც არის და ამიტომ მთავარი ამოცანა ახალი ხელმძღვანელის არის, რომ აქტიურად მიიღოს მონაწილეობა ამ საკანონმდებლო პროცესში იმისთვის, რომ მკაფიოდ იყოს განსაზღვრული პოლიტიკა, რომლის სწორად აღსრულებაზე პასუხისმგებელი იქნება ადმინისტრაცია“, - განაცხადა მინისტრმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024