უკრაინის პრეზიდენტს, ვოლოდიმირ ზელენსკისა და ინდოეთის პრემიერ-მინისტრს, ნარენდრა მოდის შორის სატელეფონო საუბარი გაიმართა. ამის შესახებ უკრაინის პირველმა პირმა „ტვიტერის“ საკუთარ გვერდზე დაწერა.

ზელენსკის თქმით, მან ინდოეთის ლიდერს „დიდი ოცეულის“ წარმატებული თავმჯდომარეობა უსურვა.

„ამ პლატფორმაზე [დიდი ოცეული] გამოვაცხადე მშვიდობის ფორმულა და ახლა მის განხორციელებაში ინდოეთის მონაწილეობის იმედი მაქვს“, - დაწერა ზელენსკიმ.

უკრაინის პრეზიდენტის თქმით, მან ინდოეთის პრემიერს მადლობა გადაუხადა გაერო-ში ჰუმანიტარული დახმარებისა და მხარდაჭერისთვის.