საკრებულოში მინი ფეხბურთსა და ფარიკაობაში სასკოლო ლიგა 2022 წლის სეზონის მონაწილეები დააჯილდოვეს

დედაქალაქის საკრებულოს თამარ მეფის დარბაზში, სპორტისა და ახალგაზრდულ საქმეთა კომისიის ინიციატივით, „მინი ფეხბურთში სასკოლო ლიგა“ 2021-2022 წლის და „ფარიკაობაში სასკოლო ლიგის“ 2022 წლის სეზონის მონაწილე მოსწავლეების დაჯილდოების ღონისძიება და ასევე, 2023 წელს დაგეგმილი პროექტების პრეზენტაცია შედგა. ინფორმაციას თბილისის საკრებულო ავრცელებს.

მათივე ცნობით, დამსწრე საზოგადოებას სიტყვით დედაქალაქის საკრებულოს თავმჯდომარემ მიმართა და ახალგაზრდა სპორტსმენებს გამარჯვება მიულოცა.

გიორგი ტყემალაძემ პროექტის მნიშვნელობაზე ისაუბრა და აღნიშნა, რომ ეს პროექტი ქალაქში ერთ-ერთი წარმატებულია და ის მასობრივი სპორტის განვითარებაზეა ორიენტირებული.

ღონისძიებაზე სიტყვით სპორტისა და ახალგაზრდულ საქმეთა კომისიის თავმჯდომარე გამოვიდა.

როგორც გიორგი ჩაკვეტაძემ განაცხადა, პროექტის მიზანი მასობრივი სპორტის განვითარების ხელშეწყობა და სკოლებში ჯანსაღი ცხოვრების წესის პოპულარიზაციაა. მისივე ინფორმაციით, ამავე პროექტის ფარგლებში, 2022 წელს რაგბის კავშირის მხარდაჭერით თაგ-რაგბის სასკოლო ლიგის საპილოტე პროექტი უკვე შედგა და ასევე, ჭადრაკსა და ფრენბურთში ფედერაციების თანაორგანიზებით, სასკოლო ლიგის სატესტო ტურნირები ჩატარდა.

„მოწვეულ სტუმრებს სიტყვით ფეხბურთის ფედერაციის პრეზიდენტმა ლევან კობიაშვილმა, საქართველოს პარლამენტის სპორტისა და ახალგაზრდულ საქმეთა კომიტეტის თავმჯდომარემ ირაკლი მეძმარიაშვილმა, ასევე თბილისის მერიის განათლების, კულტურის სპორტისა და ახალგაზრდულ საქმეთა საქალაქო სამსახურის ხელმძღვანელმა ირაკლი გვილავამ მიმართეს.

დასასრულს, საკრებულოს წევრებმა და მოწვეულმა სტუმრება 2022 წელს მინი ფეხბურთის სასკოლო ლიგის ნომინაციებში და ფარიკაობაში გამარჯვებული მოსწავლეები დააჯილდოვეს.

ღონისძიებას საკანონმდებლო და აღმასრულებელი ხელისუფლების, თბილისის საკრებულოს და მერიის, საქართველოს ფეხბურთის, ფრენბურთის, ჭადრაკის, ფარიკაობის ფედერაციების, რაგბის კავშირისა და კომპანიის „პსპ’’ წარმომადგენლები და სხვა მოწვეული სტუმრები ესწრებოდნენ“, - აღნიშნულია თბილისის საკრებულოს განცხადებაში.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს