რატი იონათამიშვილი - ძალიან მიჭირს სერიოზული კომენტარის გაკეთება, როცა საუბარია მიხეილ სააკაშვილზე, როგორც გლობალურ ერთობაზე

ძალიან მიჭირს სერიოზული კომენტარის გაკეთება, როცა საუბარია მიხეილ სააკაშვილზე, როგორც გლობალურ ერთობაზე, - ასე ეხმაურება უმრავლესობის დეპუტატი რატი იონათამიშვილი რუსი უფლებადამცველის მარკ ფეიგინის ინიციატივას.

როგორც იონათამიშვილმა ჟურნალისტებს განუცხადა, „თუ ეს ადამიანი საერთაშორისო დონეზე რაიმეთი გამორჩეულია, ეს არის ის, რომ მასშტაბური დამნაშავეა, რომელსაც უმძიმესი დანაშაულები აქვს ჩადენილი და არის კრიმინალური, ძალადობრივი სისტემის შემქმნელი ჩვენს ქვეყანაში".

„კი ბატონო, ასეთმა ადამიანებმა იაქტიურონ და ასეთი განცხადებები აკეთონ, რათა კიდევ უფრო რეალურად წარმოჩინდეს მათი უსუსურობა და რეალური სახე", - განაცხადა რატი იონათამიშვილმა.

რუსი უფლებადამცველი მარკ ფეიგინი სხვადასხვა ქვეყნის მოსახლეობას მოუწოდებს, საქართველოს საელჩოებთან საქართველოს ყოფილი პრეზიდენტის, მიხეილ სააკაშვილის მხარდამჭერი აქცია გამართონ.

"2023 წლის 4 იანვარს, გლობალური აქცია მიხეილ სააკაშვილის მხარდასაჭერად! #SaveMisha. მოვუწოდებთ ყველას, წავიდნენ თავიანთი ქვეყნების დედაქალაქებში არსებულ საქართველოს საელჩოებთან. ადგილობრივი დროით 12:00 საათიდან", - წერს ფეიგინი „ტვიტერზე“.

შეგახსენებთ, რამდენიმე დღის წინ მიხეილ სააკაშვილმა მარკ ფეიგინს წერილი გაუგზავნა, რომელშიც აცხადებდა, რომ იგი პუტინის ბრძანებით მოწამლეს. ფეიგინი მიხეილ სააკაშვილის მიერ გაგზავნილ წერილს გამოეხმაურა და განაცხადა, რომ მის დასახმარებლად გეგმა აქვთ, თუმცა, ჯერ საქართველოს ხელისუფლების რეაქციას ელოდებიან.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი