ვლადიმერ პუტინმა და ნიკოლ ფაშინიანმა ყარაბაღის საკითხი განიხილეს

ჩვენს ქვეყნებს შორის ეკონომიკური თანამშრომლობა დადებითად ვითარდება, მაგრამ ახლა მთავარი საკითხი ყარაბაღში სიტუაციის დარეგულირებაა, - ამის შესახებ რუსეთის პრეზიდენტმა, ვლადიმერ პუტინმა სომხეთის პრემიერთან, ნიკოლ ფაშინიანთან შეხვედრაზე განაცხადა.

მისი თქმით, ყარაბაღში და მთლიანად სამხრეთ კავკასიაში სიტუაციის დარეგულირების საკითხი ასევე მთავარი განსახილველი თემა იყო სამმხრივ შეხვედრაზე, რომელიც მასსა და აზერბაიჯანის პრეზიდენტ ილჰამ ალიევს, ასევე, სომხეთის პრემიერ ნიკო ფაშინიანს შორის 26 დეკემბერს გაიმართა.

„ჩვენ გუშინ დავიწყეთ მსჯელობა და სამივემ ასევე მოვახერხეთ საუბარი. რა თქმა უნდა, მთავარი საკითხია მთლიანად სამხრეთ კავკასიაში სიტუაციის დარეგულირება და სომხეთ-აზერბაიჯანის ურთიერთობები, ყველაფერი რაც ყარაბაღს უკავშირდება“, - განაცხადა პუტინმა.

თავის მხრივ, ფაშინიანმა მადლობა გადაუხადა რუსეთის ლიდერს ყარაბაღში ლაჩინის დერეფნის გარშემო არსებული ვითარების განხილვის შესაძლებლობისთვის.

„რა თქმა უნდა, მსურს განვიხილო ეს სიტუაცია და რა ვარიანტები არსებობს. მადლობა ამ შესაძლებლობისთვის“, - აღნიშნა ფაშინიანმა.

ვლადიმერ პუტინისა და ნიკოლ ფაშინიანის შეხვედრა სანქტ-პეტერბურგში დსთ-ს ქვეყნების არაფორმალური სამიტის ფარგლებში გაიმართა.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია