ტურიზმის სტატისტიკის პორტალის პრეზენტაცია გაიმართა

საქართველოს სტატისტიკის ეროვნულმა სამსახურმა ახალი ინტერაქტიული პორტალის - ტურიზმის სტატისტიკის პორტალის პრეზენტაცია გამართა. ამის შესახებ ინფორმაციას საქსტატი ავრცელებს.

მათივე ცნობით, სასტუმრო „ქორთიარდ მერიოტში“ შეკრებილ საზოგადოებას მისასალმებელი სიტყვით საქსტატის აღმასრულებელმა დირექტორმა გოგიტა თოდრაძემ, საქართველოს ეკონომიკისა და მდგრადი განვითარების მინისტრის მოადგილემ მარიამ ქვრივიშვილმა და საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარის მოადგილემ ეკა სეფაშვილმა მიმართეს.

გოგიტა თოდრაძის განცხადებით, ტურიზმის სტატისტიკის პორტალი მომხმარებელს საშუალებას აძლევს ერთ სივრცეში მიიღოს საქსტატში არსებული ინფორმაცია ტურიზმის სტატისტიკის გამოკვლევის შედეგებისა და სასტუმროებისა და სასტუმროს ტიპის დაწესებულებების გამოკვლევის შესახებ.

„პორტალი საქსტატში გაეროს განვითარების პროგრამის (UNDP) მიერ დაფინანსებული პროექტის - „მონაცემთა შეგროვების პროცესის გაუმჯობესება და ოფიციალური სტატისტიკის მიმართ ნდობის ამაღლება" ფარგლებში მომზადდა.

პორტალზე, მარტივად აღსაქმელი ფორმით თავმოყრილია სტატისტიკური ინფორმაცია ტურიზმის სტატისტიკის შესახებ. ის მომხმარებლებს აძლევს შესაძლებლობას, ერთ სივრცეში, ინტერაქტიული გრაფიკების და ვიზუალიზაციის თანამედროვე ელემენტების მეშვეობით მოახდინოს ტურიზმის სტატისტიკის მონაცემთა ანალიზი. პორტალი შედგება ორი მოდულისგან: ვიზიტორთა სტატისტიკა და სასტუმროების სტატისტიკა.

პიერველი მოდული - ვიზიტორთა სტატისტიკა, აერთიანებს ადგილობრივი ტურიზმის, გამყვანი ტურიზმისა და უცხოელ ვიზიტორთა გამოკვლევის შედეგებს, ხოლო მეორე მოდული - სასტუმროების სტატისტიკა, მოიცავს სასტუმროებისა და სასტუმროს ტიპის დაწესებულებების გამოკვლევის ძირითად შედეგებს.

გარდა ამისა, პორტალზე ჩაშენებულია თემატური ინტერაქტიული რუკები და ეს ყოველივე GIS ტექნოლოგიების გამოყენებით იძლევა სივრცითი ანალიზის შესაძლებლობას, რაც განსაკუთრებულ დატვირთვას იძენს რეგიონული ანალიზის განხორციელებისას.

საქსტატის მიზანია აწარმოოს და საზოგადოებას შესთავაზოს მაღალი ხარისხის მონაცემები ისეთი ფორმით, რომელიც აადვილებს მის გამოყენებას და აუმჯობესებს დაგეგმვისა და გადაწყვეტილების მიღების პროცესებს ნებისმიერ დონეზე", - აღნიშნულია ინფორმაციაში.

ტურიზმის სტატისტიკის პორტალი შეგიძლიათ იხილოთ ბმულზე: http://tourism.geostat.ge/

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024