ეს კაცი არის პაროდია იმის, რაც პრემიერ-მინისტრი შეიძლება იყოს და ასეთი ტრაგიკული ამბავი რომ არ იყოს, როცა ასეთ ისტორიულ მომენტში ეს სამარცხვინო არარაობა ჰყავს ივანიშვილს დანიშნული, უბრალოდ ვიცინებდით ამაზე, - ასე ეხმაურება "ევროპული საქართველოს" თავმჯდომარე გიგა ბოკერია პრემიერ-მინისტრ ირაკლი ღარიბაშვილის მიერ გაკეთებულ განცხადებას.

მისი თქმით, პრემიერი უკრაინისთვის მხარდაჭერის გამოცხადებისას "იწვება", რომ რეალურად ამას არ უსურვებს, რადგან სიტყვა გამარჯვება არ უნდა ახსენოს.

„ყველა სხვა საკითხზეც, მონაკო აფხაზეთშიო და ა.შ, ეს არის კაცი, რომელიც დღეს ივანიშვილის დავალებით ისტორიულ შანსს აკარგვინებს ჩვენს ქვეყანას, უპირისპირდება თავისუფალ სამყაროსა და დასავლეთს, ატარებს ანტიქართულ მოღალატეობრივ პოლიტიკას. ეს ყველაფერი აჯამებს ამ კაცს და სამწუხაროდ, ამ წლებსაც, სანამ ივანიშვილის არის ხელისუფლებაში“, - განაცხადა გიგა ბოკერიამ.