გურამ გურამიშვილი - მიმოქცევაში გაეშვა საფოსტო მარკა, რომელიც საქართველო-იტალიას შორის დიპლომატიური ურთიერთობების 30 წლის იუბილეს ეძღვნება

2022 წლის დეკემბრიდან მიმოქცევაში გაეშვა საქართველოსა და იტალიას შორის დიპლომატიური ურთიერთობების 30 წლის იუბილესადმი მიძღვნილი ქართული მარკა, რომლის პრეზენტაციაც დღეს საქართველოს პარლამენტის ეროვნულ ბიბლიოთეკაში გაიმართა. ინფორმაციას ეკონომიკისა და მდგრადი განვითარების სამინისტრო ავრცელებს.

მათივე ცნობით, ღონისძიება გახსნეს საქართველოს ეკონომიკისა და მდგრადი განვითარების მინისტრის მოადგილემ გურამ გურამიშვილმა, „საქართველოს ფოსტის“ გენერალურმა დირექტორმა ლევან ჩიკვაიძემ, საქართველოში იტალიის საგანგებო და სრულუფლებიანი ელჩმა ენრიკო ვალვომ და საქართველოს პარლამენტის ეროვნული ბიბლიოთეკის გენერალურმა დირექტორმა გიორგი კეკელიძემ.

როგორც უწყებაში განმარტავენ, „საქართველოს ფოსტის“ მიერ დაბეჭდილ მარკაზე, ასევე, იტალიის საწარმოებისა და იტალიური პროდუქციის სამინისტროს მიერ მომზადებულ მარკაზე გამოსახულია იტალიელი ბერის, კრისტოფორო კასტელის მიერ დახატული ბიჭვინთის ტაძარი. ქართული მარკის ავტორი ბაადურ ქობლიანიძეა.

„მიმოქცევაში გაეშვა საქართველოსა და იტალიის შორის დიპლომატიური ურთიერთობის 30 წლისთავისადმი მიძღვნილი მარკა, რომელიც საიუბილეოა და მასზე დატანილია ბიჭვინთის საკათედრო მონასტერი, რომელიც ესკიზის სახით აღწერა მე-17 საუკუნეში იტალიელმა მისიონერმა, ქრისტეფორე დე კასტელმა. მის მიერ შექმნილი ნამუშევრები ფასდაუდებელია საქართველოს ისტორიისთვის და მნიშვნელოვანია საქართველოს კულტურული მემკვიდრეობისთვის. ამ მარკის გამოცემა ხელს შეუწყობს ქართველი და იტალიის ხალხის მეგობრობის განმტკიცებასა და გაღრმავებას“ - აღნიშნა გურამ გურამიშვილმა.

„საქართველოს ფოსტის“ გენერალური დირექტორის, ლევან ჩიკვაიძის განცხადებით, ახალი მარკა მთელი ქვეყნის მასშტაბით „საქართველოს ფოსტის“ 81 სერვისცენტრშია ხელმისაწვდომი და საფოსტო გზავნილების განხორციელება უკვე აღნიშნული მარკით არის შესაძლებელი. მისივე ინფორმაციით, „საქართველოს ფოსტის“ მიერ გამოშვებული საფოსტო მარკის ტირაჟია 20.000 ერთეული, ხოლო იტალიის სახელმწიფო ზარაფხანისა და პოლიგრაფიული ინსტიტუტის მიერ დაბეჭდილი საფოსტო მარკის ტირაჟია 350.010 ერთეული.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი