დენის შმიგალი - უკრაინა რუსეთის არა მხოლოდ უშიშროების საბჭოდან, არამედ გაეროდან გარიცხვის საკითხსაც აყენებს

უკრაინა რუსეთის არა მხოლოდ უშიშროების საბჭოდან, არამედ გაეროდან გარიცხვის საკითხსაც აყენებს , - ამის შესახებ უკრაინის პრემიერ-მინისტრმა დენის შმიგალმა მთავრობის სხდომაზე განაცხადა.

“რუსეთი უკვე დიდი ხანია არ არის მშვიდობისმოყვარე სახელმწიფო და ამიტომ არ აკმაყოფილებს გაეროს ძირითად კრიტერიუმს. ის ცინიკურად ბოროტად იყენებს უშიშროების საბჭოში თავის ვეტოს უფლებას. ბლოკავს გადაწყვეტილებებს, რომლებიც მის აგრესიულ პოლიტიკას უპირისპირდება. ამიტომ უკრაინა მართლზომიერად აყენებს რუსეთის არა მხოლოდ უშიშროების საბჭოდან, არამედ გაეროდანაც გარიცხვის საკითხს”, - თქვა შმიგალმა.

პრემიერ-მინისტრმა ასევე აღნიშნა, რომ ამ დღეებში ბოროტების იმპერიის - სსრკ-ის - დაშლის მომენტიდან 31 წელი სრულდება.

“მისმა [სსრკ-ის] მემკვიდრემ - რუსეთის ფედერაციამ - მიისაკუთრა ადგილი უშიშროების საბჭოში. ორგანიზაციის ქარტიისთვის გვერდის ავლით უშიშროების საბჭოში რუსეთის ფედერაციის წევრობა მსოფლიო თანამეგობრობისთვის თავს იქნა მოხვეული. სამწუხაროდ, მაშინ თანამეგობრობა ჩუმად იყო. ახლა სიჩუმე არ შეიძლება”, - თქვა შმიგალმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი