იტალიის პრემიერ-მინისტრმა ჯორჯია მელონიმ კიევში ჩასვლის სურვილი დაადასტურა და უკრაინის პრეზიდენტი ვოლოდიმირ ზელენსკი რომში დაპატიჟა. ამის შესახებ იტალიის მთავრობის პრესსამსახურის მიერ ზელენსკისა და მელონის შორის გამართული სატელოფონო საუბრის შემდეგ გამოქვეყნებულ განცხადებაში წერია.

განცხადების თანახმად, “გულითადი საუბარი” იტალიისა და უკრაინის ლიდერებს შორის 28 ოქტომბრის შემდეგ პირველად შედგა.

“მელონიმ დაადასტურა კიევის იტალიის მთავრობის მიერ სრული მხარდაჭერა პოლიტიკურ, სამხედრო, ეკონომიკურ და ჰუმანიტარულ სფეროებში, ენერგეტიკული ინფრასტრუქტურის აღდგენასა და უკრაინის შემდგომ აღდგენაში”, - წერია განცხადებაში.

აღინიშნება, რომ იტალიის პრემიერ-მინისტრმა დაადასტურა რომის მზაობა ყველა ქმედებებისთვის, რომლებიც “მიმართული იქნება უკრაინული ერისთვის სამართლიანი მშვიდობის მიღწევისკენ”.

“პრემიერ-მინისტრმა დაადასტურა კიევში ვიზიტის განზრახვა და პრეზიდენტი ზელენსკი რომში მიიწვია”, - წერია განცხადებაში.