ესტონეთის პრემიერი - ასეთი ხუმრობა გამიგია: "ერთადერთი რუსები, რომლის თავისუფლებისთვისაც რუსეთი ომობს, მის საზღვრებს გარეთ ცხოვრობენ" - განათლების მიღების ენა ეროვნული უსაფრთხოების საკითხია

განათლების მიღების ენა - ეროვნული უსაფრთხოების საკითხია. ამის შესახებ ესტონეთის პრემიერ-მინისტრმა კაია კალასმა ETV+-თან ინტერვიუში განაცხადა.

მისი თქმით, ქვეყანაში საგანმანათლებლო სისტემის ესტონურ ენაზე გადაყვანის ახალ გადაწყვეტილებასა და უკრაინაში რუსეთის სრულმასშტაბიან შეჭრას შორის მიზეზ-შედეგობრივი კავშირი არსებობს.

“კავშირი იმ მხრივ არსებობს, რომ განათლება - ეს უსაფრთხოების საკითხია. რას შვება რუსეთი? ის ცდილობს სხვა ქვეყნებში რუსულენოვნების “გათავისუფლებას” - ხალხის, რომლებსაც არანაირი გათავისუფლება არ სჭირდება. ასეთი ხუმრობა გამიგია: "ერთადერთი რუსები, რომლის თავისუფლებისთვისაც რუსეთი ომობს, მის საზღვრებს გარეთ ცხოვრობენ". რუსეთის შიგნით თავისუფლების მხრივ საქმეები არც ისე კარგადაა. თუმცა ნათელია, რომ არის განსაკუთრებული გამიზნული პროპაგანდა - და, ვთქვათ, ისტორიის გაშუქება. და ეს უსაფრთხოების საკითხია”, - აღნიშნა კალასმა.

ესტონეთის პრემიერ-მინისტრმა ასევე აღნიშნა, რომ ესტონეთისთვის, როგორც პატარა ქვეყნისთვის, უსაფრთხოების საკითხია, რომ მისი მოქალაქეები ერთ საინფორმაციო სივრცეში ცხოვრობდნენ და არ შეიქმნას ვითარება, რომ რუსულენოვანმა ხალხმა უარესი განათლება მიიღოს და ამის გამო ნაკლები შესაძლებლობები და სრულიად სხვა მსოფლმხედველობა ჰქონდეთ.

ცნობისთვის, 12 დეკემბერს ესტონეთის პარლამენტმა მიიღო კანონი, რომელიც განათლების ესტონურ ენაზე გადასვლას უწყობს ხელს, კერძოდ კი ადგენს, რომ სკოლებსა და საბავშვო დაწესებულებებში განათლების მიღების ენას ესტონური ენა წარმოადგენს. 20 დეკემბერს კანონს პრეზიდენტმა ალარ კარისმა მოაწერა ხელი.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი