ბსუ-ს ეკონომიკისა და ბიზნესის ფაკულტეტის 25 წლის იუბილე საზეიმოდ აღინიშნა

ბათუმის შოთა რუსთველის სახელმწიფო უნივერსიტეტში ეკონომიკისა და ბიზნესის ფაკულტეტის 25 წლის იუბილე საზეიმოდ აღინიშნა. ინფორმაციას ბსუ ავრცელებს.

ბსუ-ს რექტორმა, პროფესორმა მერაბ ხალვაშმა ფაკულტეტს იუბილე მიულოცა, მის ისტორიაზე, მიღწევებზე ისაუბრა და უნივერსიტეტის განვითარებაში შეტანილი განსაკუთრებული წვლილისათვის უნივერსიტეტის უმაღლესი ჯილდო - შოთა რუსთველის მედალი გადასცა.

ფაკულტეტს საიუბილეო თარიღი მიულოცეს და წარმატებები უსურვეს აჭარის ა.რ. უმაღლესი საბჭოს თავმჯდომარემ დავით გაბაიძემ, აჭარის ა.რ. ფინანსთა და ეკონომიკის მინისტრმა ჯაბა ფუტკარაძემ, აჭარის ა.რ სოფლის მეურნეობის მინისტრმა ზაზა შავაძემ, ბსუ-ს ადმინისტრაციის უფროსმა მერაბ დიასამიძემ, ბსუ-ს ხარისხის უზრუნველყოფის სამსახურის უფროსმა ვლადიმერ ღლონტმა, კურსდამთავრებულებმა, სხვადასხვა უმაღლესი საგანმანათლებლო დაწესებულებების, ბიზნეს სექტორისა და საზოგადოების წარმომადგენლებმა.

„საიუბილეო საღამოზე ფაკულტეტის ეკონომიკისა და ბიზნესის ფაკულტეტის დეკანმა, პროფესორმა, ნათია წიკლაშვილმა, ფაკულტეტის განვითარებაში შეტანილი წვლილისათვის ფაკულტეტის ყოფილ დეკანებს, კურსდამთავრებულებს, საპატიო დოქტორებს, პარტნიორ ორგანიზაციებს, უმაღლეს საგანმანათლებლო დაწესებულებებს, პროფესორ-მასწავლებლებს, ადმინისტრაციის წარმომადგენლებსა და სტუდენტებს მადლობის სიგელები გადასცა.

საიუბილეო საღამოზე თანამშრომლობის ბათუმის შოთა რუსთაველის სახელმწიფო უნივერსიტეტსა და კომპანია „ალდაგს“ შორის მემორანდუმი გაფორმდა. მემორანდუმის ფარგლებში კომპანია საბაკალავრო და სამაგისტრო საგანმანათლებლო პროგრამების სტუდენტებისათვის სტაჟირების პროგრამას განახორციელებს. ასევე, სასტიპენდიო პროგრამა ამოქმედდება - ორგანიზაცია კონკურსის წესით შერჩეულ ერთ სტუდენტს, ერთი წლის განმავლობაში, ასლარიან სტიპენდიას გადასცემს.

ბათუმის შოთა რუსთველის სახელმწიფო უნივერსიტეტის ეკონომიკისა და ბიზნესის ფაკულტეტი, ეკონომიკის ფაკულტეტის სახელწოდებით 1997 წელს, უნივერსიტეტის სამეცნიერო საბჭოს გადაწყვეტილებით შეიქმნა. წლების მანძილზე ფაკულტეტი იზრდებოდა და ვითარდებოდა. ამჟამად, ეკონომიკისა და ბიზნესის ფაკულტეტი საბაკალავრო, სამაგისტრო, სადოქტორო საგანმანათლებლო პროგრამებს ახორციელებს და 1 100 აქტიური სტატუსის მქონე სტუდენტსა და 8 000-ზე მეტ კურსდამთავრებულს აერთიანებს. აღსანიშნავია, რომ წამყვანი სახელმწიფო ორგანიზაციებისა და დაწესებულებების ხელმძღვანელები, კერძო კომპანიების მენეჯერები ფაკულტეტის საგანმანათლებლო პროგრამების კურსდამთავრებულები არიან.

ეკონომიკისა და ბიზნესის ფაკულტეტის საიუბილეო ღონისძიებები მთელი წლის განმავლობაში მიმდინარეობდა. ჩატარდა საერთაშორისო სამეცნიერო კონფერენცია, რომელშიც 15 ქართული და 7 უცხოური უნივერსიტეტის 125 წარმომადგენელი მონაწილეობდა. გაიმართა საჯარო ლექციების ციკლი, რომელშიც წამყვანი ქართველი და უცხოელი მკვლევრები მონაწილეობდნენ. ასევე პრაქტიკული ვორქშოფები და სხვადასხვა სტუდენტური აქტივობა ჩატარდა,“ - აღნიშნულია გავრცელებულ ინფორმაციაში.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს