ქარსაფარი ზოლების ინვენტარიზაციის სახელმწიფო პროგრამის ფარგლებში, საინვენტარიზაციო სამუშაოების არეალი და დაფინანსება იზრდება

ქარსაფარი (მინდორდაცვითი) ზოლების ინვენტარიზაციის სახელმწიფო პროგრამის ფარგლებში, საინვენტარიზაციო სამუშაოების არეალი და დაფინანსება იზრდება.

გარემოს დაცვისა და სოფლის მეურნეობის სამინისტროს ინფორმაციით, 2023 წლის საინვენტარიზაციო სამუშაოების სავარაუდო ფართობი, წინასწარი მონაცემებით შეადგენს 2448 ჰექტარს, ხოლო ბიუჯეტი - 1,5 მილიონ ლარს, რაც 900 ათასი ლარით აღემატება მიმდინარე წლის დაფინანსებას.

მათივე ცნობით, ინვენტარიზაცია ჩატარდება 4 მუნიციპალიტეტში: დედოფლისწყაროში, კასპში, ქარელში და დუშეთში.

„პროგრამის ფარგლებში მიმდინარეობს ქარსაფარი ზოლების ფაქტობრივი მდგომარეობის აღწერა: არსებული, დეგრადირებული და განადგურებული ქარსაფარი ზოლების გამოვლენა, მცენარეების სახეობრივი შემადგენლობის და ხნოვანებითი სტრუქტურის განსაზღვრა. საჯარო რეესტრში რეგისტრაციისათვის ხდება შესაბამისი მიწის ნაკვეთების საკადასტრო აზომვითი ნახაზების მომზადება, სტატუსის მინიჭება და შემდგომ ქარსაფრის სტატუსით საჯარო რეესტრში რეგისტრაცია. აღნიშნული პროგრამა 2021 წლის 16 ივნისს დაიწყო და დღეის მდგომარეობით ინვენტარიზებულია დაახლოებით, 1235 ჰექტარი ქარსაფარი ზოლი, ამჟამად დასრულებულია სახელმწიფო საკუთრებაში რეგისტრირებული 319.2 ჰა ქარსაფარი ზოლის სტატუსის რეგისტრაცია. 2021 წელს საინვენტარიზაციო სამუშაოები ჩატარდა თელავის მუნიციპალიტეტში, მიმდინარე წელს კი დასრულდა საგარეჯოსა და მარნეულის მუნიციპალიტეტებში. აღსანიშნავია, რომ უძრავი ქონების ამონაწერში უკვე აისახება მონაცემები ქარსაფარი ზოლის და სტატუსის შესახებ.

საკადასტრო გეგმაზე ფიქსირდება ქარსაფარი ზოლის აღმნიშვნელი პირობითი ნიშანიც. ინვენტარიზაციის პროცესი გარემოს დაცვისა და სოფლის მეურნეობის მინისტრის ბრძანებით დამტკიცებული გეგმის მიხედვით მიმდინარეობს. ინვენტარიზაცია დასრულდება 2025 წლის 1 მარტს. შემდეგი ეტაპი მათი აღდგენა/რეაბილიტაცია და ახალი ქარსაფარი ზოლების გაშენებაა, რაც ქარსაფარი (მინდორდაცვითი) ზოლების შესახებ კანონის მოთხოვნების შესაბამისად განხორციელდება. ქარსაფარი ზოლები უზრუნველყოფს ქარისმიერი ეროზიისგან ნიადაგის დაცვას, ტენიანობის შენარჩუნებას და სარწყავი წყლის ეკონომიას. ქარსაფარი ზოლი 30%-მდე ზრდის მოსავლიანობას", - აღნიშნულია გავრცელებულ ინფორმაციაში.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 02.02.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
Samsung-მა უახლესი Galaxy S23 სერია წარადგინა
GM PHARMA-ს ხარისხის კონტროლისა და მიკრობიოლოგიური ლაბორატორიების აღიარება
„ბიზნეს დიალოგი“ – „ლიბერთის“ ინიციატივა რეგიონებში
Mastercard, USAID და საქართველოს ფინტექ ასოციაცია მცირე და საშუალო ბიზნესებისთვის Tap on Phone პროექტს წარადგენენ
თბილისში „სიმეტრიას“ მიერ განვითარებული საერთაშორისო ბრენდის ახალი სასტუმრო - Holiday Inn Express Tbilisi Avlabari გაიხსნა
იოსებ კეჭაყმაძის საკომპოზიტორო შემოქმედება და ფონდი „ქართული გალობა“
ექსპერტიზის ბიურო მომსახურების განახლებულ ტარიფებთან დაკავშირებით განცხადებას ავრცელებს
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება