სამოქალაქო მოძრაობა „შენმოქმედი“ მეგობრებთან და პარტნიორებთან ერთად საქართველოში უკრაინელი დევნილი ბავშვებისთვის საქველმოქმედო აქციების სერიას აგრძელებს.
ამჯერად, თბილისის 220-ე საჯარო სკოლაში, არსებულ უკრაინული სექციის მოსწავლეებს, „შენმოქმედმა“, კომპანია „ბარამბოსა“ და გამომცემლობა „პალიტრა-L”-თან ერთად, ფონდი "პროდემოსის" მხარდაჭერით, CDD-სა და სექტორი 3-ის ჩართულობით, ახალი წელი მიულოცა.
ღონისძიებას ასევე დაესწრო საქართველოში უკრაინის საელჩოს წარმომადგენელი. 200-ზე მეტ პატარას საჩუქრები გადაეცა და დამდეგი ახალი წელი თოვლის ბაბუამ მიულოცა.
„ერთად და ერთობით, ყველაფერს შევძლებთ! სწორედ ერთმანეთის გვერდში დგომით, სოლიდარობით და რესურსების გაერთიანებით შევძლებთ წინსვლას!" - განაცხადა მოძრაობა „შენმოქმედის“ თავმჯდომარემ პაატა ყვავაძემ ღონისძიების შემდეგ.