კახა კალაძე - თქვენ თუ დამისვამთ კითხვას - კმაყოფილი ვარ თუ არა იმით, რაც დღეს დედაქალაქში ხდება, თუნდაც საზოგადოებრივი ტრანსპორტის მიმართულებით, გეტყვით, რომ არ ვარ კმაყოფილი

თქვენ თუ დამისვამთ შეკითხვას - კმაყოფილი ვარ თუ არა, იმით, რაც დღეს ხდება დედაქალაქში, თუნდაც საზოგადოებრივი ტრანსპორტის მიმართულებით, მე გეტყვით, რომ არ ვარ კმაყოფილი, - ამის შესახებ დედაქალაქის მერმა კახა კალაძემ საკრებულოში თბილისის ბიუჯეტის განხილვისას განაცხადა.

კალაძე თბილისის მოსახლეობას ჰპირდება, რომ ქალაქში საზოგადოებრივი ტრანსპორტით გადაადგილება კომფორტული იქნება.

„შეუძლებელია იყო კმაყოფილი, რადგან ჯერ რეფორმა არ დასრულებულა და ჩვენ ვართ გარდამავალ ეტაპზე. ჩვენ გავდივართ ყველაზე მნიშვნელოვან, ყველაზე რთულ ეტაპს ყველანაირი თვალსაზრისით. თუნდაც საზოგადოების დამოკიდებულება ავიღოთ საზოგადოებრივ ტრანსპორტზე, თუნდაც ავიღოთ შესაბამისი ზოლების გაჩენა ავტობუსებისთვის და მიკროავტობუსებისთვის. ეს ყველაფერი სიახლეა საზოგადოებისთვის და შეიძლება არც იცოდეს რამდენად მნიშვნელოვანია საზოგადოებრივი ტრანსპორტის განვითარება. ცხადია, მე არავის მოვუწოდებ და არ იფიქროთ, რომ გამოვდივარ ბრტყელ-ბრტყელი სიტყვებით და მოგიწოდებთ - "მანქანები გააჩერეთ და აუცილებლად გადადით საზოგადოებრივ ტრანსპორტზე" - არა მეგობრებო, ეს თქვენი ნებაა. ამ ქალაქში მცხოვრები მოქალაქის უფლებაა იმგზავრებს კერძო ავტომობილით, ავტობუსით, მიკროავტობუსით, მეტროთი, ეკო-მეგობრული ტრანსპორტით, ველოსიპედით, თუ ფეხით. ეს მათი არჩევანია, უბრალოდ მე ერთ რამეს ვპირდები თბილისის მოსახლეობას, რომ ამ ქალაქში საზოგადოებრივი ტრანსპორტით გადაადგილება იქნება კომფორტული. ჩვენ, რა თქმა უნდა, ღირსეულად ვუპასუხებთ იმ გამოწვევებს, რაც გვაქვს. თუ თქვენ გაქვთ რაიმე განსხვავებული ჩვენს პოლიტიკასთან დაკავშირებით, ან იცით რაიმე ისეთი, რაც გასაკეთებელია და ჩვენ არ ვაკეთებთ, აბსოლუტურად გულწრფელად გეუბნებით, დიდი სიამოვნებით მივიღებთ თქვენს რჩევას", - განაცხადა კახა კალაძემ.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს