კახა კალაძე - არასდროს მითქვამს თბილისის საკეთილდღეოდ საკრებულოში ოპოზიციასთან თანამშრომლობაზე უარი - ცალმხრივი ვერაფერი იქნება, ვერც ურთიერთობა, ვერც მეგობრობა, ვერც სიყვარული, სიყვარულს არ ვითხოვ

მე დღესაც გიდასტურებთ მზაობას, რომ თბილისისთვის მნიშვნელოვან საკითხებზე შეგვიძლია ვითანამშრომლოთ, - ამ სიტყვებით დედაქალაქის მერმა კახა კალაძემ საკრებულოში მყოფ ოპოზიციას მიმართა.

როგორც კალაძემ აღნიშნა, ოპოზიციას ყოველთვის ჰქონდა შესაძლებლობა, მთავრობის სხდომებს დასწრებოდა და სასურველი თემები მოეტანა.

„მე არასდროს მითქვამს თბილისის საკეთილდღეოდ საკრებულოში ოპოზიციასთან თანამშრომლობაზე უარი. შეიძლება ჩვენ მეგობრები არ ვიყოთ, შეიძლება რაღაცები ერთმანეთის არ მოგვწონდეს, მაგრამ ის, რომ ვითანამშრომლოთ ამ მიმართულებით, ჩემი მხრიდან ყოველთვის იყო მზაობა. დამეთანხმებით, რომ ცალმხრივი ვერაფერი იქნება, ვერც ურთიერთობა, ვერც მეგობრობა, ვერც სიყვარული, სიყვარულს არ ვითხოვ. უბრალოდ, თბილისისთვის საკეთილდღეო საქმეების კეთებაში მე ყოველთვის მზად ვარ და ყოველთვის ვამბობდი, რომ შეგვიძლია ვითანამშრომლოთ, მაგრამ რა მივიღეთ თქვენი მხრიდან? მივიღეთ შეურაცხყოფა, მივიღეთ ცილისწამებები, გარკვეული შოუების მოწყობა. ქალბატონო ლილე(ლიპარტელიანი), თქვენ გქონდათ ყველანაირი შესაძლებლობა, რომ დასწრებოდით მთავრობის სხდომებს და მოგეტანათ თქვენთვის სასურველი თემები, გაგვევლო.

შესაბამისად, მე დღესაც გიდასტურებთ მზაობას, რომ თბილისისთვის მნიშვნელოვან საკითხებზე შეგვიძლია ვითანამშრომლოთ. მე არ მაქვს ამის პრობლემა და არ იფიქროთ, რომ ჩვენ რაღაც განსხვავებული პოლიტიკური შეხედულებები გვქონდეს და თბილისის საკეთილდღეო თემებზე უარი გითხრათ თანამშრომლობაზე. მე არჩევნების დროს ვთქვი, რომ საარჩევნო კამპანიის დროს ერთადერთი კანდიდატი ვიყავი, ვინც საუბრობდა სამომავლო გეგმებზე, პროექტებზე, დედაქალაქში რა უნდა გაკეთებულიყო და თქვენი მხრიდან ვიღებდი შეურაცხყოფას“, - განაცხადა კალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024