ოთარ გრიგოლია - თბილისის მერს აქვს შესაძლებლობა და სურვილი ემსახუროს თბილისს

თბილისის საკრებულოში მიმდინარე სხდომაზე, რომელზეც დედაქალაქის მერი კახა კალაძე წლიური ანგარიშით და 2023 წლის ბიუჯეტის პროექტით წარსდგა, ფრაქციის „ქართული ოცნება- დემოკრატიული საქართველო“ თავმჯდომარემ ოთარ გრიგოლიამ განაცხადა, რომ ყველამ თვალი გაახილოს და კარგად დაინახავს იმ წინსვლას და წარმატებას რომელიც თბილისის მაგალითზე ჩანს და თვალსაჩინოა.

როგორც მან აღნიშნა, ოპოზიციის მხრიდან სრულ დესტრუქციას ვხედავთ.

„ვხედავთ ახალ ავტობუსებს, ახლად რეაბილიტირებულ ქუჩებს, სკვერებსა თუ პარკებს. ბევრი რეფორმა ხორციელდება, რომლის უკანაც ბევრი შრომა, ნერვიულობა და სტრესი დგას. საბოლოო ჯამში ვიღებთ ქალაქს, რომელსაც იმსახურებს ჩვენი ისტორიული დედაქალაქი და მოსახლეობა. თბილისს დღეს ძალიან ძლიერი მერი ჰყავს, რომელსაც აქვს უნარი მოახდინოს ტრანსფორმაცია და შეცვალოს ქალაქი. ოპოზიციის მხრიდან კი, სამწუხაროდ, სრულ დესტრუქციას ვხედავთ“,- განაცხადა ოთარ გრიგოლიამ სხდომაზე.

ფრაქციის თავმჯდომარემ სიტყვით გამოსვლისას სატრანსპორტო რეფორმაზე ისაუბრა და მას ხვალინდელი დღისთვის კრიტიკულად მნიშვნელოვანი უწოდა.

„ამ რეფორმის წინააღმდეგ წასვლა მიუღებელია. ბევრი ხვდება ამ რეფორმის მნიშვნელობას, თუმცა არიან ადამიანები, რომლებიც შეგნებულად ცდილობენ ამ რეფორმის კარიკატურიზებას და პროცესის შეფერხებას“,- განაცხადა ოთარ გრიგოლიამ.

საკრებულოს წევრმა ოპოზიციონერ კოლეგებსაც მიმართა და განაცხადა, რომ ისინი მავნებლობისა და რეგრესის მხარეს დგანან, თუმცა რეფორმების გაგრძელებას ხელს მაინც ვერ შეუშლიან.

„სამწუხაროდ, თქვენ დგახართ მავნებლობის და რეგრესის მხარეს ასევე ჩვენი მოქალაქეების ინტერესების საწინააღმდეგო მხარეს, თუმცა ჩვენ მიუხედავად ყველაფრისა ვაცნობიერებთ რა პასუხისმგებლობა გვაქვს აღებული და გავაგრძელებთ ამ რეფორმებს. ამას ხელს ვერავინ შეუშლის“, - განაცხადა ოთარ გრიგოლიამ.

ინფორმაციას თბილისის საკრებულო ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024