სავაჭრო პალატამ მის საბჭოში შემავალ ბიზნეს ასოციაციებს 2022 წლის საქმიანობის ანგარიში წარუდგინა და მომავალი წლის გეგმები გააცნო

საქართველოს სავაჭრო პალატის პრეზიდენტმა, გიორგი პერტაიამ პალატის საბჭოში შემავალ 40-მდე სექტორულ და არასექტორულ ბიზნეს ასოციაციებს სავაჭრო პალატის მიმდინარე წლის საქმიანობის ანგარიში წარუდგინა და 2023 წლის გეგმები გააცნო.

ამის შესახებ ინფორმაციას საქართველოს სავაჭრო პალატა ავრცელებს.

„შეხვედრის მონაწილეებმა დეტალურად მიიღეს ინფორმაცია იმ საერთაშორისო და ადგილობრივ პროგრამებზე, რომლებიც მეწარმეების მხარდასაჭერად წარმატებით განხორციელდა, მათ შორის ელექტრონული კომერციის, „ევროკავშირი ბიზნესისთვის“, სხვადასხვა აქტუალურ საკითხზე ჩატარებული ტრენინგების, ბიზნესისთვის უფასო ვებ-გვერდის, პროფესიული სწავლების პროგრამის ხელშეწყობის, ქალი მეწარმეების მხარდამჭერი პროგრამების, ბიზნესთან ღია დიალოგის ფორმატისა და გამართული ბიზნეს ფორუმების შესახებ.

ასევე, იმ პროექტებზე, რომელიც ესტონეთისა და ჩეხეთის სავაჭრო პალატებთან თანამშრომლობით განხორციელდა და რომლებითაც ბიზნეს ასოციაციებმა და ქალმა მეწარმეებმა ისარგებლეს.

სავაჭრო პალატა მომავალ წელს მცირე და საშუალო მეწარმეების მხარდაჭერის მიზნით ახალ პროგრამებს გეგმავს, მათ შორის ექსპორტის მხარდაჭერის მიმართულებით, “ევროკავშირი ბიზნესისთვის" და სხვა”, - ნათქვამია საქართველოს სავაჭრო სამრეწველო პალატის გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024