კლინიკა „ვივამედში“, სადაც ყოფილი პრეზიდენტი მიხეილ სააკაშვილი იმყოფება, კარანტინი გამოცხადდა.
როგორც „ვივამედის“ კლინიკურმა დირექტორმა ზურაბ ჩხაიძემ ჟურნალისტებთან საუბრისას განმარტა, კარანტინის გამოცხადების მიზეზი ქვეყანაში ვირუსული ინფექციების გაზრდილი რაოდენობაა.
მისივე თქმით, საჭიროების შემთხვევაში, პაციენტებთან მნახველები სპეციალური ეკიპირებით, ვირუსზე ტესტირების საფუძველზე დაიშვებიან.
„მოგეხსენებათ, ქვეყანაში ვირუსული ინფექციების რაოდენობამ იმატა და შესაბამისად, კლინიკაში კარანტინი გამოცხადდა. ეს გაკეთდა ვირუსული ინფექციების რაოდენობის მატებიდან გამომდინარე, მხოლოდ და მხოლოდ პაციენტების უსაფრთხოების მიზნით,“,- განაცხადა ზურაბ ჩხაიძემ.