ამერიკელი ექსპერტი - სააკაშვილს ისეთ სამედიცინო დაწესებულებაში გადაყვანა სჭირდება, სადაც შესაძლებელი იქნება მძიმე მეტალებთან და წამლებთან დაკავშირებული დეზინტოქსიკაცია - ასეთი დაწესებულება აშშ-ში გვაქვს

მას [მიხეილ სააკაშვილს] ისეთ სამედიცინო დაწესებულებაში გადაყვანა სჭირდება, სადაც შესაძლებელი იქნება მძიმე მეტალებთან და წამლებთან დაკავშირებული დეზინტოქსიკაცია - ამერიკის შეერთებულ შტატებში ჩვენ ასეთი დაწესებულება გვაქვს, - ამის შესახებ ამერიკელმა ექსპერტ-ტოქსიკოლოგმა დეივიდ სმიტმა საქართველოს ყოფილი პრეზიდენტისთვის, მიხეილ სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებით, მიმდინარე სასამართლო პროცესზე ადვოკატის კითხვების საპასუხოდ განაცხადა.

ასევე კითხვებს, არის თუ არა სააკაშვილის დაავადებების მიმდინარეობის დინამიკა მკვეთრად უარყოფითი და არსებობს თუ არა ინვალიდობის ან სიკვდილის რისკი, ექსპერტმა დადებითი პასუხები გასცა.

„გამომდინარე იქიდან, რომ საქართველოში არ არის ისეთი დაწესებულება, რომელშიც შესაძლებელია სპეციალიზებული მკურნალობა მძიმე მეტალების ინტოქსიკაციის დროს, შესაბამისად, ის გადაყვანილი უნდა იქნას ამ კვალიფიკაციის სამედიცინო დაწესებულებაში, შეერთებულ შტატებში ჩვენ ასეთი დაწესებულება გვაქვს“,- განაცხადა დეივიდ სმიტმა.

გარდა ამისა, ექსპერტმა ასევე დადებითად უპასუხა შეკითხვას, ემუქრება თუ არა სააკაშვილს სიკვდილის გარდაუვალი რისკი საქართველოში მკურნალობის ხელმიუწვდომლობის გამო.

„მას არ მიუღია შესაბამისი მკურნალობა მძიმე მეტალებთან დაკავშირებით, რომელიც გულისხმობს სპეციფიკურ თერაპიას, ეს ეხება მძიმე მეტალების გამოტანის მექანიზმს. ასევე დეტოქსიკაცია არ ჩატარებულა იმ წამლებთან დაკავშირებით, რომელიც არსებული სიმპტომების ნიველირებისთვის მიეცემოდა“,- განაცხადა დეივიდ სმიტმა.

რაც შეეხება თავად ექსპერტის იმ განცხადებას, რომლის თანახმადაც სააკაშვილი სხვადასხვა მეტალებითაა მოწამლული, სმიტმა განმარტა, რომ აღნიშნული ნივთიერებები სამედიცინო მკურნალობისთვის არ გამოიყენება.

„ისინი არ შეიძლება იყოს ინდიკატორი რომელიმე სამედიცინო მეთოდის მკურნალობის, რამეთუ ისინი ძალიან ტოქსიკურია. ეს მეტალები ამძიმებენ ჯანმრთელობის მდგომარეობას და ასევე, საქმე გვაქვს მიზეზობრივ კავშირთან - ამ მეტალებს კავშირი აქვთ პაციენტის დაავადებებთან“,- განაცხადა დეივიდ სმიტმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024