ბელარუსში S-300 ტიპის რაკეტა ჩამოვარდა. როგორც ქვეყნის თავდაცვის უწყებაში აცხადებენ, მათმა საჰაერო დაცვამ უკრაინული S-300 ტიპის რაკეტა სასაზღვრო რეგიონში ადგილობრივი დროით 10:00 საათზე ჩამოაგდო. ამის შესახებ ინფორმაციას „როიტერი“ ავრცელებს.

ამ დრომდე ვრცელდებოდა ინფორმაცია, რომ ბელარუსის თავდაცვის უწყება ჩამოვარდნილ რაკეტასთან დაკავშირებით გამოძიებას აწარმოებდა იმის შესახებ, იყო თუ არა ეს ბელარუსის საჰაერო თავდაცვის სისტემების მიერ ჩამოგდებული რაკეტა თუ ეს რაკეტა ბელარუსის ტერიტორიაზე არასწორი გასროლის შედეგად იყო მოხვედრილი.