მედია უკრაინაში ოკუპირებული აფხაზეთიდან ოთხი პირის გარდაცვალების შესახებ იუწყება, რომლებიც რუსეთის მხარეს იბრძოდნენ

სოციალურ ქსელში ვრცელდება ინფორმაცია აფხაზეთის თვითგამოცხადებული რესპუბლიკის მოხალისეების უკრაინის ომში დაღუპვის შესახებ, რომლებიც რუსეთის მხარეს ე.წ. „პიატნაშკას“ ბატალიონის შემადგენლობაში იბრძოდნენ.

„აფხაზეთის ცენტრის“ "ტელეგრამ" არხის ცნობით, ავდეევკასთან 4 მოხალისე მოკლეს, არიან დაჭრილები.

სააგენტო Apsnypress-ი კი სამი გარდაცვლილის შესახებ იუწყება.

უწყების ცნობით, აფხაზეთის ლიდერმა ასლან ბჟანიამ ე.წ. საგანგებო სიტუაციების სამინისტროს ხელმძღვანელს ლევ კვიცინიას დაღუპულთა ცხედრების სამშობლოში გადასვენების ორგანიზება დაავალა.

„პრეზიდენტ ასლან ბჟანიას სახელით, დონეცკის სახალხო რესპუბლიკიდან აფხაზეთში ცხედრების გადასვენებაზე აფხაზეთის საგანგებო სიტუაციების სამინისტრო იმუშავებს. სამწუხაროდ, გარდაცვლილთა ცხედრები ჯერ არ გადაუსვენებიათ, ამიტომ მათი სამშობლოში გადასვენება შეუძლებელია. ჩვენ მუდმივად ვუკავშირდებით ჩვენს ბიჭებს, რეგულარულად ვიღებთ ინფორმაციას და როგორც კი შესაძლებლობა გაჩნდება, დაუყოვნებლივ გავემგზავრებით დონეცკის სახალხო რესპუბლიკაში და გარდაცვლილთა ცხედრებს სამშობლოში გადმოვასვენებთ“, - განაცხადა კვიცინიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს