ვლადიმერ პუტინსა და სი ძინპინს შორის მოლაპარაკება გაიმართა

რუსეთის პრეზიდენტ ვლადიმერ პუტინსა და ჩინეთის პირველ პირს სი ძინპინს შორის ვიდეო მოლაპარაკება გაიმართა.

მოლაპარაკების მსვლელობისას კრემლის ლიდერმა აღნიშნა, რომ რუსეთს ჩინეთთან სამხედრო-ტექნიკური თანამშრომლობის იმედი აქვს.

„რუსეთ-ჩინეთის ურთიერთობის მთელს კომპლექსში განსაკუთრებული ადგილი უკავია სამხედრო და სამხედრო-ტექნიკურ თანამშრომლობას, რომელიც ხელს უწყობს ჩვენი ქვეყნების უსაფრთხოებისა და საკვანძო რეგიონებში სტაბილურობის შენარჩუნების უზრუნველყოფას“,- განაცხადა პუტინმა.

ამასთან, კრემლის ლიდერმა აღნიშნა, რომ რუსეთი მიზნად ისახავს გააძლიეროს თანამშრომლობა ორი ქვეყნის შეიარაღებულ ძალებს შორის.

თავის მხრივ ჩინეთის პირველმა პირმა განაცხადა, რომ მზად არის რუსეთთან სტრატეგიული თანამშრომლობისთვის „მსოფლიოში შექმნილი რთული და არაერთგვაროვანი ვითარების“ პირობებში.

„ჩვენ მზად ვართ ვიყოთ გლობალური პარტნიორები ჩვენი ქვეყნების ხალხის საკეთილდღეოდ და მსოფლიო სტაბილურობისთვის“,- განაცხადა სი ძინპინმა.

პუტინმა ჩინელი კოლეგა გაზაფხულზე მოსკოვში ვიზიტით მიიწვია, „რათა რუსეთ-ჩინეთის მტკიცე კავშირის დემონსტრირება მოხდეს“.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი