ეკონომიკისა და მდგრადი განვითარების მინისტრის მოადგილედ ვახტანგ ცინცაძე დაინიშნა

საქართველოს ეკონომიკისა და მდგრადი განვითარების მინისტრის მოადგილედ ვახტანგ ცინცაძე დაინიშნა.

საქართველოს ეკონომიკისა და მდგრადი განვითარების სამინისტროს ინფორმაციით, ცინცაძე ამ პოზიციაზე დანიშვნამდე 2017 წლიდან სამინისტროს ეკონომიკური ანალიზისა და რეფორმების დეპარტამენტს ხელმძღვანელობდა.

„ვახტანგ ცინცაძე ეკონომიკის სამინისტროს სისტემაში სხვადასხვა პოზიციებზე 2009 წლიდან მუშაობს. კერძოდ, ის 2009-2013 წწ. საქართველოს ეკონომიკისა და მდგრადი განვითარების სამინისტროს ეკონომიკური ანალიზისა და პოლიტიკის დეპარტამენტის ეკონომიკური პოლიტიკის სამმართველოს მთავარ სპეციალისტად მუშაობდა; 2013 – 2016 წწ. დაიკავა საქართველოს ეკონომიკისა და მდგრადი განვითარების სამინისტროს ეკონომიკური ანალიზისა და პოლიტიკის დეპარტამენტის ეკონომიკური პოლიტიკის სამმართველოს უფროსის თანამდებობა, ხოლო 2017 წლიდან არის საქართველოს ეკონომიკისა და მდგრადი განვითარების სამინისტროს ეკონომიკური ზრდის ანალიზისა დეპარტამენტის ხელმძღვანელი. ვახტანგ ცინცაძეს ასევე აქვს კერძო სექტორში საქმიანობის გამოცდილება. 2008-2009 წლებში ის ასევე მუშაობდა სს ”თი ბი სი ბანკის” გარე გაყიდვების ქსელის განვითარების უფროს მენეჯერად.

პროფესიული ზრდა-განვითარების მიზნით ვახტანგ ცინცაძეს გავლილი აქვს არაერთი საერთაშორისო კურსი თუ პროგრამა, მათ შორის: საერთაშორისო სავალუტო ფონდის, საქართველოს სტრატეგიისა და საერთაშორისო ურთიერთობათა კვლევის ფონდის, ესტონეთის დიპლომატიური სკოლის, პოლონეთის საგარეო საქმეთა სამინისტროსა და ევროკომისიის პროგრამები. ვახტანგ ცინცაძე არის საქართველოს ტექნიკური უნივერსიტეტი ბიზნესის მართვის მაგისტრი. 2005-2006 წლებში იყო ბერლინის ტექნიკური უნივერსიტეტის, 2012 წელს კი - ჯორჯ მარშალის ცენტრის, აშშ-ს თავდაცვის სამინისტროს „Leaders Program in Advanced Security Studies“ (LPASS) პროგრამის მონაწილე. ვახტანგ ცინცაძე 2021 წლიდან არის საქართველოს ტექნიკური უნივერსიტეტი საჯარო მართვის დოქტორანტი.

ეკონომიკისა და მდგრადი განვითარების სამინისტროში მუშაობის პერიოდში ვახტანგ ცინცაძეს აქტიური მონაწილეობა აქვს მიღებული რამდენიმე მნიშვნელოვანი რეფორმის მომზადებაში. მათ შორისაა, საპენსიო რეფორმის (მეორე სვეტი) კონცეფციის შემუშავება და რეფორმის ეკონომიკური ეფექტების შეფასება/ანალიზი; საჯარო და კერძო თანამშრომლობის კონცეფციის და ჩარჩო კანონმდებლობის შემუშავება; გადახდისუუნარობის რეფორმის ფარგლებში ჩარჩო კანონმდებლობის შემუშავება; ფინანსებზე ხელმისაწვდომობის მექანიზმების განვითარება - საკრედიტო-საგარანტიო სქემის დიზაინის შემუშავება, იპოთეკური სესხების სუბსიდირების და საგარანტიო პროგრამების შემუშავებაში მონაწილეობა; ალტერნატიული დაფინანსების მექანიზმების განვითარება - ლიზინგის განვითარების კონცეფციის და ფაქტორინგის კანონმდებლობის შემუშავებაში მონაწილეობა; წიაღის სექტორის რეფორმის კონცეფციის შემუშავებაში მონაწილეობა”,- აღნიშნულია ეკონომიკისა და მდგრადი განვითარების სამინისტროს მიერ გავრცელებულ ინფორმაციაში.

ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ქართული პრესის მიმოხილვა 26.01.2023
ჯეიმი ფლაი - უკრაინელებმა მთელი მსოფლიო დაარწმუნეს, რომ მზად არიან დაიცვან თავის ქვეყანა, მიუხედავად საშინელი საფრთხისა, რომლის წინაშეც იდგა უკრაინის ბევრი ოფიციალური პირი და უკრაინელი ხალხი
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
SWEFLAND Group ონკოლოგიური დაავადებების მქონე ბავშვებისთვის - ურთიერთშეთანხმების მემორანდუმი სოლიდარობის ფონდთან
IDS ბორჯომსა და საქართველოს სათხილამურო ფედერაციას შორის პარტნიორობის მემორანდუმი გაფორმდა