ვახტანგ კაპანაძე - რუსეთმა მოინდომა დასავლური სტილის ომი, რუსული მენტალიტეტით და რუსული შეიარაღებული ძალებით, ეს არ გამოუვიდა - ვერ გათვალა მსოფლიოს ერთიანობა უკრაინის მხარდაჭერაში

რუსეთმა მოინდომა დასავლური სტილის ომი, რუსული მენტალიტეტით და რუსული შეიარაღებული ძალებით, მას ეს არ გამოუვიდა. რუსეთმა ვერ გათვალა მსოფლიოს ერთიანობა უკრაინის მხარდაჭერაში,- ამის შესახებ გენშტაბის ყოფილმა უფროსმა, ანალიტიკურ ცენტრ „ჯეოქეისის“ მრჩევლმა ვახტანგ კაპანაძემ „პალიტრანიუსის“ გადაცემა „360 გრადუსში“ ისაუბრა.

როგორც კაპანაძემ განაცხადა, რუსეთმა სტრატეგიულ დონეზე ომი წააგო და ახლა მნიშვნელოვანია, როგორ გამოვა რუსეთი ამ ომიდან და რა დონემდე მიიყვანენ მის დამარცხებას.

„მძიმე წელია, მაგრამ ამ წელმა დადებითი მოლოდინები გააჩინა. ომმა, მიუხედავად სიმძიმისა, სინათლის სხივი შემოიტანა. ერი, ჯარი და სახელმწიფო, ამათმა ერთობამ გამოიწვია ის, რასაც ვხედავთ უკრაინაში.

თავიდანვე ვამბობდი, რომ ეს იქნებოდა გაჭიანურებული ომი. სამწუხაროდ, ფაქტია, რომ ეს არის მძიმე ომი. ფაქტობრივად, მესამე თაობის ომში დაბრუნდნენ: ფრონტები, გადაჭიმული ტრანშეები... ბახმუტის ფოტოები და პირველი მსოფლიო ომის ფოტოები რომ შევადაროთ, ერთი და იგივე სურათია. ეს მოსალოდნელი იყო, იმიტომ, რომ დიდი მასები ომობენ.

რუსეთმა, რომელმაც მოინდომა დასავლური სტილის ომი, რუსული მენტალიტეტით და რუსული შეიარაღებული ძალებით, მას ეს არ გამოუვიდა. რუსეთმა ვერ გათვალა მსოფლიოს ერთიანობა უკრაინის მხარდაჭერაში.

რაც არ უნდა რეფორმებზე დაიწყოს საუბარი შოიგუმ, არ შეიცვლება ფაქტი - რუსეთმა სტრატეგიულ დონეზე ომი წააგო. საკითხი არის ის, როგორ გამოვა რუსეთი ამ ომიდან და რა დონემდე მიიყვანენ მის დამარცხებას“,- განაცხადა კაპანაძემ.

მან ასევე ისაუბრა დონეცკის ოლქის ქალაქ ბახმუტის სტრატეგიულ მნიშვნელობაზე და აღნიშნა, რომ ბახმუტს სამხედრო თვალსაზრისით არანაირი მნიშვნელობა არ აქვს, მაგრამ რუსეთისთვის მან საკრალური დატვირთვა შეიძინა. მისივე თქმით, რუსეთისთვის ბახმუტი გახდა ბერლინი, სტალინგრადი.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი