მსოფლიო ჯანდაცვის ორგანიზაცია ჩინეთისგან კორონავირუსის პანდემიის ქვეყანაში გავრცელების შესახებ მეტი ინფორმაციის გავრცელებას მოითხოვს, რადგან ჩინეთში დაინფიცირების მაჩვენებელი მკვეთრად იზრდება.

BBC-ის ინფორმაციით, ჯანმოს სურს, ჰოსპიტალიზაციის, რეანიმირებული პაციენტებისა და გარდაცვლილების შესახებ მეტი ინფორმაცია ჰქონდეს.

ამასთან ცნობილი გახდა, რომ აშშ-მა, ინგლისმა, საფრანგეთმა, სამხრეთ კორეამ, ინდოეთმა, იტალიამ, იაპონიამ და ტაივანმა ჩინეთიდან ჩასული მოგზაურებისთვის კორონავირუსის ტესტები კვლავ სავალდებულო გახადეს.

ოფიციალური პეკინის ინფორმაციით, დეკემბერში კორონავირუსს ქვეყანაში 13 ადამიანი ემსხვერპლა, თუმცა, ბრიტანელი სპეციალისტების თქმით, სავარაუდოდ, ჩინეთში კოვიდისგან დღეში 9 ათასი ადამიანი იღუპება.