ბრიტანეთის თავდაცვის უწყება - რუსეთმა უკრაინას, შესაძლოა, ახალი წლის დღეებში დაარტყას
არსებობს რეალური შესაძლებლობა, რომ რუსულმა ძალებმა უახლოეს დღეებში უკრაინის წინააღმდეგ დარტყმები განახორციელონ, რათა შეარყიონ უკრაინის მოსახლეობის მორალური მდგომარეობა ახალი წლის დღეებში, - ამის შესახებ გაერთიანებული სამეფოს თავდაცვის სამინისტროს ანგარიშშია აღნიშნული.
უწყების შეფასებით, ოქტომბრის შემდეგ რუსეთი მიჰყვება ზოგად სქემას, რომელიც ყოველ 7-10 დღეში დარტყმების ინტენსიურ ტალღას ითვალისწინებს და რომლის უპირველესი სამიზნე უკრაინის ელექტროგადამცემი ქსელია. ბოლო ასეთი დარტყმა კი ხუთშაბათს განხორციელდა.
„რუსეთი თითქმის ზედმიწევნით იცავს ამ მიდგომას, რათა დასძლიოს უკრაინის თავდაცვის სისტემა. თუმცა, არსებობს რეალური შესაძლებლობა, რომ რუსეთმა დაარღვიოს ეს მოდელი და კვლავ დაარტყას უკრაინას უახლოეს დღეებში, რათა შეარყიოს მოსახლეობის მორალური მდგომარეობა საახალწლო დღესასწაულის პერიოდში“, - აცხადებენ ბრიტანეთის თავდაცვის უწყებაში.
v-if="article.gallery" v-html="article.gallery"
