მოსკოვის რაკეტსაწინააღმდეგო თავდაცვის სისტემის თითქმის 2 000 სამხედრო მოსამსახურე საახალწლო დღეებში საბრძოლო პოზიციებზე მორიგეობას განახორციელებს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

უწყების ცნობით, საახალწლო არდადეგებისა და შაბათ-კვირის პერიოდში საჰაერო თავდაცვისთვის საბრძოლო მორიგეობაზე, საერთო ჯამში, საჰაერო თავდაცვის ძალების საჰაერო-სარაკეტო თავდაცვის ჯარების დაახლოებით, 20 000 სამხედრო მოსამსახურე იქნება.

რუსეთის თავდაცვის სამინისტროში აცხადებენ, რომ საჰაერო-სარაკეტო თავდაცვის ჯარებს მოსკოვისა და რუსეთის ცენტრალური ინდუსტრიული რაიონის საჰაერო და სარაკეტო თავდაცვა დაევალა.