რუსულმა ძალებმა უკრაინის წინააღმდეგ სარაკეტო თავდასხმა განახორციელეს

უკრაინის ყველა ოლქში საჰაერო თავდასხმის განგაშია გამოცხადებული, - ინფორმაციას უკრაინული მედია ავრცელებს.

მიკოლაივის ოლქის სამხედრო ადმინისტრაციის ხელმძღვანელის, ვიტალი კიმის განცხადებით, რუსულმა ძალებმა ფრთოსანი რაკეტები გაუშვეს.

ამასთან, ოდესის ოლქში სარაკეტო თავდასხმის საფრთხის გამო, ელექტროენერგიის მიწოდება შეიზღუდა. ოლქის სამხედრო ადმინისტრაციის ხელმძღვანელის, მაქსიმ მარჩენკოს განცხადებით, ამ ზომების გატარება აუცილებელია ენერგოსისტემაზე დატვირთვის შესამცირებლად. პრევენციული შეზღუდვები ამოქმედდა ხარკოვში, სუმის, მიკოლაივის, კიროვოგრადის, დნიპროპეტროვსკისა და ჟიტომირის ოლქებში.

კიევის სამხედრო ადმინისტრაციას ცნობით, დედაქალაქსა და ოლქში საჰაერო თავდაცვა ამუშავდა.

ხმელნიცკის ოლქის სამხედრო ადმინისტრაციის ხელმძღვანელის, სერჰი გამალის განცხადებით, უკრაინის საჰაერო სივრცეში, დაახლოებით, 20 რაკეტაა. მან მოსახლეობას თავშესაფრებში დარჩენისკენ მოუწოდა.

უკრაინული მედიის ცნობით, უკრაინის დასავლეთ ოლქებისკენ ბევრი რაკეტაა გაშვებული, თუმცა, ზოგიერთი მათგანი უკვე ჩამოგდებულია.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად