საერთაშორისო სავალუტო ფონდის ხელმძღვანელი - 2023 წელს მსოფლიო ეკონომიკის მესამედი რეცესიას განიცდის

გლობალური ეკონომიკის დიდი ნაწილისთვის 2023 წელი რთული იქნება, რადგან გლობალური ზრდის მთავარი ძრავები - აშშ, ევროპა და ჩინეთი - ეკონომიკურ ვარდნას განიცდიან, - ამის შესახებ საერთაშორისო სავალუტო ფონდის ხელმძღვანელმა, კრისტალინა გეორგიევამ განაცხადა.

„ახალი წელი იქნება უფრო რთული, ვიდრე ის წელი, რომელსაც უკან ვტოვებთ. რატომ? იმიტომ, რომ სამი დიდი ეკონომიკა - აშშ, ევროკავშირი და ჩინეთი - ერთდროულად განიცდიან ეკონომიკურ ვარდნას”, - აღნიშნა გეორგიევამ.

მისი თქმით, პირველად ბოლო 40 წლის განმავლობაში, ჩინეთის ეკონომიკური ზრდა 2022 წელს, სავარაუდოდ, გლობალური ზრდის დონეზე ან მის ქვემოთ იქნება.

„ჩვენ ველით, რომ მსოფლიო ეკონომიკის მესამედი რეცესიას განიცდის“, - აღნიშნა კრისტალინა გეორგიევამ.

ოქტომბერში, საერთაშორისო სავალუტო ფონდმა 2023 წლის გლობალური ეკონომიკური ზრდის პერსპექტივა შეამცირა. მსოფლიო ეკონომიკაზე აისახება ისეთი ფაქტორები, როგორიცაა უკრაინის ომი, ინფლაციური ზეწოლა, ცენტრალური ბანკების მიერ შემუშავებული მაღალი საპროცენტო განაკვეთები და სხვა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი