აშშ და სამხრეთ კორეა ბირთვული წვრთნების ჩატარებას განიხილავენ

ამერიკის შეერთებული შტატები და სამხრეთ კორეა შეერთებული შტატების ბირთვული აქტივების გამოყენებით ერთობლივი წვრთნების ჩატარების შესაძლებლობას განიხილავენ. ამის შესახებ სამხრეთ კორეის პრეზიდენტმა იუნ სუკ იოლმა განაცხადა.

„ბირთვული იარაღი ეკუთვნის შეერთებულ შტატებს, მაგრამ დაგეგმარება, ინფორმაციის გაზიარება, სწავლება და წვრთნები სამხრეთ კორეამ და შეერთებულმა შტატებმა ერთობლივად უნდა აწარმოონ“, - განაცხადა სამხრეთ კორეის პრეზიდენტმა გამოცემა Chosun Ilbo-სთან ინტერვიუში.

მისი თქმით, ერთობლივი დაგეგმარება და წვრთნები მიმართული იქნება აშშ-ის „გაფართოებული შეკავების“ უფრო ეფექტურად განხორციელებაზე და რომ ამ იდეის მიმართ ვაშინგტონიც „საკმაოდ დადებითადაა“ განწყობილი.

Reuters-ი განმარტავს, რომ ტერმინი „გაფართოებული შეკავება“ ნიშნავს აშშ-ის არმიის, განსაკუთრებით მისი ბირთვული ძალების უნარს, შეაკავონ აშშ-ის მოკავშირეების წინააღმდეგ თავდასხმების განხორციელება.

იუნ სუკ იოლის კომენტარს წინ უძღოდა ჩრდილოეთ კორეის სახელმწიფო მედიის მიერ გავრცელებული ინფორმაცია, რომ კიმ ჩენ ინმა ახალი კონტინენტთაშორისი ბალისტიკური რაკეტების (ICBM) შემუშავებისა და ქვეყნის ბირთვული არსენალის „ექსპონენტური გაზრდის“ განკარგულება გასცა. გასულ კვირას კი ჩრდილოეთ კორეის ლიდერმა მმართველი „მუშათა პარტიის“ შეხვედრაზე განაცხადა, რომ სამხრეთ კორეა ახლა ჩრდილოეთის "უეჭველი მტერი" გახდა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი