თბილისის მერია - წყლის ქსელზე დაგეგმილი სამუშაოების გამო, პოლიკარპე კაკაბაძის ქუჩაზე გადაადგილება დროებით შეუზღუდება

პოლიკარპე კაკაბაძის ქუჩის N14-თან წყლის ქსელზე დაგეგმილი გადაუდებელი სამუშაოების გამო, 4 იანვრის 00:00-დან 5 იანვრის 06:00 საათამდე ავტომობილების გადაადგილება შეიზღუდება. ინფორმაციას თბილისის მერია ავრცელებს.

მათივე ცნობით, კაკაბაძის ქუჩიდან მაყაშვილის ქუჩისკენ მოძრავი სატრანსპორტო საშუალებები გადაადგილებას შეძლებენ მთაწმინდის, ბესიკის, ჭონქაძის, ჩიტაძის, 9 აპრილის ქუჩისა და რუსთაველის გამზირის გამოყენებით, ხოლო თავისუფლების მოედანზე მობრუნების შემდეგ, მძღოლები რუსთაველის გამზირისა და კოსტავას ქუჩის გამოყენებით, ჭოველიძის, ზანდუკელის, ბარნოვის, ერისთავის, ხოშტარიასა და გოგებაშვილის ქუჩების გავლით, მაყაშვილის ქუჩას დაუკავშირდებიან.

„მაყაშვილის ქუჩიდან კაკაბაძის ქუჩისკენ მიმავალ სატრანსპორტო საშუალებებს რუსთაველის გამზირზე გადაადგილება შეეძლებათ ბარნოვისა და ძმები კაკაბაძეების ქუჩების გავლით, ხოლო რუსთაველის გამზირიდან მოძრაობა დასაშვები იქნება ალექსანდრე ჭავჭავაძის, ბესიკის, ოძელაშვილისა და მთაწმინდის ქუჩების საშუალებით. ასევე, თავისუფლების მოედნიდან ლეონიძის, ქიქოძის, ლორთქიფანიძის, იაშვილის, ამაღლებისა და ჭონქაძის ქუჩების გამოყენებით.

სამუშაოების პერიოდში, კაკაბაძის N14-ის მიმდებარე ტერიტორიაზე, მხოლოდ ქვეითები შეძლებენ შეუერხებლად გადაადგილებას.

აღნიშნული სამუშაოების გამო, ავტობუსი N383 გადაადგილდება მეტროსადგურ „სახელმწიფო უნივერსიტეტიდან“ მაყაშვილის ქუჩამდე, რის შემდეგაც, ზანდუკელის ქუჩაზე დატრიალებით, მოძრაობას გააგრძელებს ბარნოვის ქუჩაზე, მეტროსადგურ „სახელმწიფო უნივერსიტეტის მიმართულებით“. ავტობუსი იმოძრავებს წრიულად.

რაც შეეხება მიკროავტობუს N408-ს, რუსთაველის გამზირი N52-ის ნაცვლად, ბოლო გაჩერება ექნება N37-თან, საიდანაც თავისუფლების მოედნისა და ლეონიძის ქუჩის მიმართულებით იმოძრავებს. შემდეგ ამაღლების ქუჩის გავლით დაუკავშირდება ჭონქაძის ქუჩას და კაკაბაძის ქუჩის N14-მდე გადაადგილდება. უკუმიმართულებისას, მიკროავტობუსი მგზავრებს ანალოგიური მარშრუტით მოემსახურება“,-აღნიშნულია მერიის მიერ გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024