გიორგი ბოტკოველი - არ ვფიქრობ, რომ რაც „ნაციონალური მოძრაობის“ გვერდზე გავრცელდა, ეს არის პარტიის პოზიცია - მეც წარმოვადგენ პარტიას და ეს არ არის ჩემი პოზიცია

მე არ ვფიქრობ, რომ რაც პარტიის გვერდზე გავრცელდა, ეს არის პარტიის პოზიცია - აქციების დაანონსებას პირველ რიგში სჭირდებოდა შეკრება და მერე გადაწყვეტა, თუ როგორი აქციები უნდა დაგვეგეგმა, - ამის შესახებ „ნაციონალური მოძრაობის“ წევრმა გიორგი ბოტკოველმა „ინტერპრესნიუსს“ განუცხადა.

მისივე თქმით, ის მთავრობის ადმინისტრაციასთან დაგეგმილ აქციას დაესწრება.

„მე არ ვფიქრობ, რომ რაც პარტიის გვერდზე გავრცელდა, ეს არის პარტიის პოზიცია. მეც წარმოვადგენ პარტიას და ეს არ არის ჩემი პოზიცია, რაც პარტიის ვებ-გვერდზე გავრცელდა. ვფიქრობ, აქციების დაანონსებას პირველ რიგში სჭირდებოდა შეკრება და მერე გადაწყვეტა, თუ როგორი აქციები უნდა დაგვეგეგმა. ვფიქრობ, ამას სჭირდება კონსოლიდირებული აქცია, სადაც იქნებოდა ძალიან ბევრი ადამიანი და იმ მნიშვნელოვან აქციას შეუერთდებოდნენ, რომელიც მსოფლიოს სხვადასხვა დედაქალაქში ტარდება. კომუნიკაცია პირადად ჩემთან არ ყოფილა. როცა პარტიის თავმჯდომარემ ნიკა მელიამ ორი-სამი კვირის წინ შეგვკრიბა, ვიმსჯელეთ, კონკრეტული გადაწყვეტილება მივიღეთ, ახლა ასეთი შეკრება არ შემდგარა“,-განაცხადა ბოტკოველმა.

ცნობისთვის, ლევან ხაბეიშვილის განცხადებას, რომ ხვალ, მიხეილ სააკაშვილის მხარდამჭერ აქციებს მხოლოდ ორ ლოკაციაზე შეუერთდება, თბილისში კი მხარდამჭერებთან ერთად აქციას სხვა ადგილზე გამართავს, პარტიაში გამოეხმაურნენ. როგორც „ნაციონალურ მოძრაობაში“ განაცხადეს, „პრეზიდენტ სააკაშვილის გადარჩენა უნდა გვაერთიანებდეს და სამწუხაროა, რომ ინდივიდები ამ საკითხს გასახლეჩად იყენებენ“. პარტიაში განმარტავენ, რომ 4 იანვარს აქციები გაიმართება არა 2, არამედ 8 ლოკაციაზე.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი