ნიდერლანდები რაც შესაძლებელია, ყველაფერს გააკეთებს, რათა უკრაინას ომში გამარჯვებაში დაეხმაროს. ამის შესახებ ნიდერლანდების პრემიერ-მინისტრი მარკ რუტე უკრაინის პრეზიდენტ ვოლოდიმირ ზელენსკისთან გამართული სატელეფონო საუბრის შემდეგ “ტვიტერის” პირად გვერდზე წერს.

მისი თქმით, მომდევნო თვეები კრიტიკულად მნიშნველოვანია.

“უკრაინა უკვე თითქმის წელია წინააღმდეგობას უწევს რუსეთის ბარბაროსულ შეჭრას. მომდევნო თვეები კრიტიკულად მნიშვნელოვანია. ახლა ვესაუბრე პრეზიდენტ ზელენსკის და დავარწმუნე, რომ ნიდერლანდები რაც შესაძლებელია ყველაფერს გააკეთებს, რათა უკრაინას არა მხოლოდ თავის დაცვაში, არამედ ომში გამარჯვებაშიც დაეხმაროს”, - წერს რუტე.