ბრაზილიის ქალაქ სანტოსში საფეხბურთო ვარსკვლავის, პელეს დაკრძალვის ცერემონია მიმდინარეობს. ინფორმაციას ამის შესახებ CNN-ი ავრცელებს.

მსვლელობა ურბანო კალდეირა სტადიონიდან, პელეს ყოფილი გუნდის “სანტოსის” საშინაო მოედნიდან დაიწყო.

გამოცემის თანახმად, მსვლელობა ქალაქ სანტოსის ქუჩებს გაივლის, მათ შორის პელეს 100 წლის დედის სახლთან.

ცნობისთვის, 24-საათიან საჯარო ცერემონიას, რომელიც “სანტოსის” სტადიონზე ორშაბათს დაიწყო 150 ათასზე მეტი ადამიანი დაესწრო, მათ შორის ბრაზილიის პრეზიდენტი ლუის ინასიუ ლულა და სილვა და FIFA-ს პრეზიდენტი ჯანი ინფანტინო.