გერმანიამ მეორე მსოფლიო ომისთვის რეპარაციების შესახებ პოლონეთის ნოტა უარყო. ინფორმაციას ამის შესახებ პოლონეთის საგარეო საქმეთა სამინისტრო ავრცელებს.
განცხადების თანახმად, გერმანიის საგარეო საქმეთა სამინისტრომ პასუხი გასცა პოლნეთის საგარეო საქმეთა სამინისტროს 2022 წლის 28 დეკემბრის ნოტას რეპერაციების შესახებ, რომელიც ვარშავამ სამშაბათს მიიღო.
“გერმანიის მთავრობის განცხადებით, რეპარაციებისა და სამხედრო რეპარაციების საკითხი დახურული რჩება და გერმანიის მთავრობა არ აპირებს ამ საკითხზე მოლაპარაკებების წარმოებას”, - წერია პოლონეთის საგარეო საქმეთა სამინისტროს განცხადებაში.
პოლონეთის საგარეო უწყების თანახმად, პოლონეთის მთავრობა “გააგრძელებს ძალისხმევას პრეტენზიების დასარეგულირებლად, როლებიც 1943-1945 წლებში გერმანული ოკუპაციის შედეგად გაჩნდა”.