რომის პაპ ბენედიქტ XVI-ს ხვალ დაკრძალავენ

ვატიკანში, რომის ემერიტუსი პაპის ბენედიქტ XVI-ის დაკრძალვა ხვალ გაიმართება. სულის მოსახსენიებელ მესას პაპი ფრანცისკე აღავლენს.

მედიის ცნობით, ყოფილი პონტიფიკოსის დაკრძალვას მაღალი რანგის პირები, მათ შორის იტალიის პრეზიდენტი სერჯო მატარელა, გერმანიის პრეზიდენტი ფრანკ-ვალტერ შტაინმაიერი, გერმანიის კანცლერი ოლაფ შოლცი, პოლონეთის პრეზიდენტი ანჯეი დუდა, პორტუგალიის პრეზიდენტი მარსელუ რებელუ დი სოზა, ბელგიის მეფე ფილიპი და დედოფალი მატილდა, ასევე, ესპანეთის დედოფალი სოფია დაესწებიან.

შეგახსენებთ, ბენედიქტ XVI შაბათს, 31 დეკემბერს, 95 წლის ასაკში გარდაიცვალა.

ბენედიქტ XVI კათოლიკური ეკლესიის წინამძღოლი 2005 წლიდან იყო. 2013 წელს ის პირველი რომის პაპი გახდა ბოლო 600 წლის განმავლობაში, რომელიც პეტრეს საყდრიდან გადადგა.