აქციის მონაწილეებმა მშვიდობის ხიდიდან ბანერი - „მიშას სიცოცხლისთვის" გადმოფინეს
თბილისში მშვიდობის ხიდზე საქართველოს მესამე პრეზიდენტის, მიხეილ სააკაშვილის სოლიდარობის აქცია იმართება. აქცია საქართველოს და უკრაინის ჰიმნებით დაიწყო. აქციის მონაწილეებმა მშვიდობის ხიდიდან ბანერი - „მიშას სიცოცხლისთვის" გადმოფინეს.
ადგილზე მოქალაქეები, „ნაციონალური მოძრაობის" და სხვა ოპოზიციური პარტიის ლიდერები იკრიბებიან.
ტერიტორიაზე მობილიზებულია პოლიცია.
თბილისის გარდა, აქციები ქვეყნის სხვა ქალაქშიც იმართება.
როგორც „ერთიანი ნაციონალური მოძრაობის“ თავმჯდომარე ნიკა მელია აღნიშნავს, ქვეყნის სტაბილური, დემოკრატიული განვითარება და ქვეყნის მესამე პრეზიდენტის მკვლელობა ურთიერთგამომრიცხავია.
ამასთან, "ნაციონალური მოძრაობის" ერთ-ერთი ლიდერი ლევან ხაბეიშვილი მხარდამჭერებთან ერთად აქციას თბილისში, მთავრობის ადმინისტრაციასთან და შეკვეთილში, ბიძინა ივანიშვილის სახლთან მართავს.
This is a modal window.
v-if="article.gallery" v-html="article.gallery"
