მსოფლიოს რამდენიმე ქალაქში მიხეილ სააკაშვილის მხარდამჭერი აქციები გაიმართა

საქართველოს მესამე პრეზიდენტის, მიხეილ სააკაშვილის სოლიდარობის აქციები მსოფლიოს მასშტაბით რამდენიმე ქალაქში გაიმართა.

კერძოდ, მიხეილ სააკაშვილის მხარდამჭერი აქცია ჩატარდა - ვენაში, პარიზში, ლონდონში, ბარსელონაში, მადრიდში, თელ-ავივში, კიევში, მიუნხენში, მოსკოვში, ბერლინსა და კიშინიოვში. აქციები გაიმართა აშშ-შიც.

აქციები ძირითადად საქართველოს საელჩოებთან მიმდინარეობდა - აქციის მონაწილეების მოთხოვნა იყო მიხეილ სააკაშვილის სიცოცხლის გადარჩენა.

აქციის მონაწილეებს ადგილზე მიტანილი ჰქონდათ ბანერები წარწერით Save Misha, ასევე საქართველოს და უკრაინის დროშები.

ცნობისთვის, საქართველოს მესამე პრეზიდენტის, მიხეილ სააკაშვილის სოლიდარობის აქციები საქართველოს ყველა დიდ ქალაქშიც მიმდინარეობს.

v-if="article.gallery" v-html="article.gallery"

თემა:მიხეილ სააკაშვილის ჯანმრთელობის მდგომარეობა