ელენე ხოშტარია - არ შეიძლება, მესამე პრეზიდენტი დღეს ამ მდგომარეობაში იყოს - მნიშვნელოვანია ერთობა და ჩვენება, რომ ეს არ არის ვიწროპარტიული პრობლემა

პარტია „დროას“ ლიდერის ელენე ხოშტარიას განცხადებით, ექსპრეზიდენტ მიხეილ სააკაშვილის ჯანმრთელობის მდგომარეობის საკითხთან დაკავშირებით ძალიან მნიშვნელოვანია ერთობა.

როგორც მან სააკაშვილის მხარდამჭერ აქციაზე ჟურნალისტებს განუცხადა, ეს არის არა ერთი მოქალაქის, არამედ ქვეყნის პრობლემა.

„თემა არის ძალიან მნიშვნელოვანი, განსაკუთრებით დღეს, როცა უკრაინა, ომში მყოფი ქვეყანა აანონსებს საერთაშორისო აქციას. ძალიან მნიშვნელოვანია ერთობა, რადგან ეს ერთობლივი სატკივარია სინამდვილეში, ერთობლივი პრობლემა არის არა მხოლოდ იმიტომ, რომ უკრაინის მოქალაქეობა აქვს მიხეილ სააკაშვილს საბოლოოდ, ეს არის პუტინის ძალადობრივ რეჟიმთან ბრძოლის სხვადასხვა ფორმა. დღეს ძალიან მნიშვნელოვანია ეს სათქმელი ერთად ვთქვათ“, - განაცხადა ხოშტარიამ.

მისი განმარტებით, რამდენად მოახდენს ეს ყველაფერი გავლენას, წინასწარ ძნელი სათქმელია, თუმცა, მნიშვნელოვანია რამდენიმე მიმართულებით მოძრაობა.

„ერთი არის საერთაშორისო ზეწოლა, მეორე - შიგნით აქტიურობა ყველანაირი ფორმით, სხვადასხვა აქციით, აქტიურობით, „ქართული ოცნების“ შეწუხებით და ა.შ. ასევე, ძალიან მნიშვნელოვანია ერთობა და იმის ჩვენება, რომ ეს არ არის ვიწროპარტიული, ცალკე ვიღაცის ან თუნდაც მოქალაქის პრობლემა, ზოგადად, ჩვენი ქვეყნის პრობლემაა, რადგან თუ ადამიანის წამება, მისი უფლების გათელვა, ჯანმრთელობის დაზიანება გახდება ნორმა, აბსოლუტურად ყველას სიცოცხლე არის საფრთხეში. არ შეიძლება, მესამე პრეზიდენტი დღეს ამ მდგომარეობაში იყოს. შედეგი როდის იქნება, რა თქმა უნდა, წინასწარ ამას ვერავინ იტყვის“, - განაცხადა ხოშტარიამ.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია