მიხეილ სააკაშვილის სოლიდარობის აქციის მონაწილეები ბიძინა ივანიშვილის ბიზნესცენტრთან მივიდნენ - ისმის შეძახილები: “საქართველო ივანიშვილის გარეშე”, “თავისუფლება მიშას”
საქართველოს მესამე პრეზიდენტის მიხეილ სააკაშვილის სოლიდარობის აქციის მონაწილეები ყოფილ პრემიერ-მინისტრ
ბიძინა ივანიშვილის ბიზნეს-ცენტრთან მივიდნენ.
აქციის მონაწილეების განცხადებით, „2023 წელი იქნება საქართველო ბიძინა ივანიშვილის გარეშე”.
მათი თქმით, აქციები არ იქნება ერთჯერადი და თუ მიხეილ სააკაშვილს უცხოეთში მკურნალობის საშუალება არ მიეცემა, გაგრძელდება.
ბიზნეს-ცენტრთან შეკრებილები სკანდირებენ: “ბიძინა ივანიშვილო, წადი! წადი!” “საქართველო ივანიშვილის გარეშე! “თავისუფლება მიშას!”.
ყოფილი პრემიერ-მინისტრის სასახლესთან დიდი რაოდენობით მობილიზებული არიან სამართალდამცავები, მათ რიგებში იმყოფებიან სპეცდანიშნულების რაზმის წარმომადგენლები.
შეგახსენებთ, აქციის მონაწილეები „ერთიანი ნაციონალური მოძრაობის“ თავმჯდომარეობის კანდიდატის ლევან ხაბეიშვილის ორგანიზებით, თავდაპირველად მთავრობის ადმინისტრაციასთან შეიკრიბნენ.
