ჯანმო - ჩინეთის მიერ გამოქვეყნებული მონაცემები არასათანადოდ ასახავს კორონავირუსით გამოწვეული გარდაცვალების შემთხვევებს

ჯანდაცვის მსოფლიო ორგანიზაციის განცხადებით, ჩინეთი კორონავირუსით გამოწვეული გარდაცვალების რეალურზე ნაკლები შემთხვევების შესახებ ავრცელებს ინფორმაციას.

ჯანდაცვის მსოფლიო ორგანიზაციის საგანგებო სიტუაციების დირექტორმა, მაიკლ რაიანმა ბრიფინგზე განაცხადა, რომ ჩინეთის მიერ გამოქვეყნებულ მონაცემებში არასათანადოდაა წარმოდგენილი ჰოსპიტალიზებული, რეანიმაციაში მყოფი და გარდაცვლილი პაციენტების შესახებ ინფორმაცია.

„მიგვაჩნია, რომ ჩინეთიდან გამოქვეყნებული ამჟამინდელი რიცხვები არასათანადოდ ასახავს დაავადების ნამდვილ გავლენას ჰოსპიტალიზაციის, რეანიმაციულ განყოფილებაში განთავსების და განსაკუთრებით სიკვდილიანობის თვალსაზრისით,” - აღნიშნა მაიკლ რაიანმა.

ცნობისათვის, ჩინეთის ჯანდაცვის უწყებების ოფიციალური მონაცემებით, პანდემიის დაწყების დღემდე ქვეყანაში ვირუსს 5 259 ადამიანის სიცოცხლე ემსხვერპლა.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება