გერმანიის მიერ რუსული ფულისა და ქონების უკრაინისთვის გადაცემის მიზნით დაგეგმილმა, რუსული აქტივების ჩამორთმევამ შესაძლოა, სხვა ქვეყნების მიერ საერთაშორისო სამართლის უგულებელყოფა გამოიწვიოს, - ამის შესახებ რუსეთის სახელმწიფო დუმის სპიკერმა ვიაჩესლავ ვოლოდინმა განაცხადა.

„დღეს გერმანიის მთავრობამ გადაწყვიტა, გადააწყოს პრობლემები, რომლებიც მათმა წინამორბედებმა შექმნეს ჩვენს ქვეყანაში. ამ მიზნით, ისინი გეგმავენ რუსული აქტივების ჩამორთმევას უკრაინის აღსადგენად“, - დაწერა ვოლოდინმა „ტელეგრამის“ არხზე.

„საკუთარი ქვეყნის ისტორიიდან გერმანიის ხელმძღვანელობას უნდა ახსოვდეს, როგორ დასრულდა სხვისი ხელყოფის მცდელობები“, - აღნიშნა ვოლოდინმა.

მისი თქმით, რუსეთს ექნება უფლება განახორციელოს მსგავსი ქმედებები გერმანიისა და სხვა სახელმწიფოების აქტივების წინააღმდეგ რუსული აქტივების დაყადაღების შემთხვევაში.